Ƀrô bơyan ngă lơphet lơ 30/4 hăng lơ 1/5 anai ƀơi Đà Lạt-Lâm Đồng pơphun lu bruă mă tui gru grua, adôh suang mơ-ak, anun lĕ pơplông tal rơnuč Dalat Best Dance Crew thun 2025, Jơlan hơdră adôh suang hăng anăn “Non sông thống nhất” hơdor glăi 50 thun pơklaih rơngai kual dơnung, pơlir lŏn ia ta, lu tơlơi ngui adôh suang hăng ƀing adôh mơ-ak hloh… anai lĕ tơlơi pơgôp pơhưč tuai čuă ngui rai pơdơi pran.

Tui jŭ yap mơng gơnong bruă tuai čuă ngui tơring čar Lâm Đồng, Đà Lạt-Lâm Đồng čơkă giăm 240.000 wŏt tuai čuă ngui amăng bơyan ngă lơphet, đĭ rơbêh 14% pơhmu tui tơđar thun 2024. Amăng anun, tuai mơng tač rơngiao dưm dưm 14.000 wŏt, đĭ 75%, hăng hơmâo rơbêh 160.000 wŏt tuai dŏ đih glăi, đĭ 23% pơhmu tui tơđar thun hlâo.