Tui jơlan hơdră jơnum pơƀut, jơnum anai amra pơđut amăng lơ 30/6. Anai lĕ jơnum sui hloh dong mơng akŏ rơwang tal 15 truh ră anai, pơsit lu bruă akŏ phun, yôm phăn. Amăng jơnum lok 9, Khua pơ ala mơnuih ƀôn sang dêh čar tal 15, ƀing khua mua amra sem lăng, pơsit čih pơkra, pơhrua sa, dua črăn amăng phiah phiăn thun 2013; sem lăng, tŭ yap 34 tơlơi phiăn hăng 11 tơlơi pơtrun. Ƀing khua mua ăt pơgôp hiăp hăng 06 črăn tơlơi phiăn.

Ngă tui tơlơi glăm ba sem lăng, pơsit hơdôm bruă akŏ phun, ƀing khua pơ ala ăt sem lăng, tŭ yap mă yua tơlơi pơtrun mơng Ƀirô Khua pơ ala mơnuih ƀôn sang dêh čar kơ bruă pơmut anih anom gưl tơring čar; pơsit bruă pơhrŏ bruă rơwang bruă mă mơng Khua pơ ala mơnuih ƀôn sang dêh čar tal XV hăng Jơnum min pơ ala mơnuih ƀôn sang djop gưl rơwang thun 2021-2026; pơsit hrơi ruah khua pơ ala mơnuih ƀôn sang tal 16 hăng khua mua Jơnum min pơ ala mơnuih ƀôn sang djop gưl rơwang thun 2026-2031.