Ƀơi mông bưp, Khua git gai Ping gah ơi Tô Lâm pơsit Việt Nam amra pơtruh brơi Hungary hăng hơdôm boh dêh čar kual Ngŏ ASIA laih anun lăng Hungary jing bah amăng yôm phun či mut ngă hrŏm hăng hơdôm boh dêh čar kual Trung Đông Âu hăng EU.

Dua čô khua kiăng pơtrut hloh dong tơlơi đăo kơnang gah kơđi čar hăng pơlir hơbit dua boh dêh čar, dua ping gah, pơtrut pơbưp, jơnum khua mua pơprong hăng djŏp gưl, pơtrut ngă hrŏm gah bruă sĭ mơdrô - tuh pơ ain, boh thâo - măi mok, pơčeh phrâo tơlơi rơgơi, pơtô pơjuăt...; lăi nao bruă ling tơhan - pơgang rơnuk rơnua lŏn ia jing gong tơmeh phun phrâo amăng bruă ngă hrŏm dua bơnah laih anun dua bơnah kiăng pơbưp nao rai mơnuih ƀôn sang lu hloh, kiăng thâo hluh nao rai. Dua čô khua tŭ ư Việt Nam hăng Hungary dong yua tơlơi pơmin pơsir tơlơi bơrơsua hăng tơlơi rơngai, pơpŭ kơ tơlơi phiăn jar kmar, gum djă bong rơnuk rơnua, hơđong kjăp amăng kual hăng ƀơi rŏng lŏn tơnah./.