Trung tá Nguyễn Văn Từ, Khua grup tơhan K51, tơring čar Dak Lăk brơi thâo, bruă hyu ĕp, klơi mă tơlang tơhan pơ dêh čar Kur tơnap biă mă, yua sui đơi, anih nao rai tơnap, hăng tơlơi hmư̆ hing aset biă mă. Khă hnun, hăng pran jua ngă bruă klă, thâo pơpŭ, lăp hơdor kơ tơhan sông kơtang djai pơsăn drơi, ƀing khua, tơhan Grup K51 ăt gir hyu ĕp, klơi mă tơlang.

Mơ̆ng thun 2000 truh ră anai, Grup K51 hơmâo klơi mă 769 per tơlang tơhan djai pơ dêh čar Kur. Hrơi ngă yang jôk atâo ƀu kơnong pơdah pran jua pơpŭ bơni prong mơ̆ng Ping gah, gong gai hăng mơnuih ƀôn sang djŏp djuai ania tơring čar Dak Lăk đôč ôh, ăt pơsit brơi tơlơi pơmin hiam “Mơñum ia hơdor kơ pô klơi”, tŏ tui gru grua hơdor bơni mơ̆ng djuai ania Việt Nam./.