Amăng anun, lăp đing nao biă mă ñu bruă Jơnum pơčrong sai tơlơi bơwih ƀong huă Việt Nam-Hokkaido laih anun bưp Khua tơring čar Hokkaido. Đĭ pơhiăp amăng mông jơnum bơwih ƀong huă Việt Nam hăng Hokkaido, Kơ-iăng Khua dêh čar ơi Nguyễn Chí Dũng lăi pơtong, tơlơi ngă hrŏm bơwih ƀong huă plah wah dua bơnah dŏ lu tơlơi gêh găl kiăng pơđĭ kyar, pơdah thâo hơdôm či ngă dơ̆ng hăng gong gai kơnuk kơna laih anun khul mơnuih ngă bruă sĭ mơdrô dua bơnah kah hăng: kơtưn ngă hrŏm bơwih ƀong huă, gru grua hiam plah wah Hokkaido hăng hơdôm tơring čar amăng Việt Nam, kơsem min pok jơlan rơdêh por pơtruh nao rai mơ̆ng Hokkaido hăng hơdôm tơring čar amăng Việt Nam.

Kơ-iăng khua dêh čar lăi pơtong, Kơnuk kơna Việt Nam ƀuăn amra ngă hrŏm laih anun ngă pơ amuñ brơi djop pô sang bruă sĭ mơdrô amăng dêh čar hăng tač rơngiao amăng anun hơmâo ƀing mơdrô mơ̆ng Hokkaido dêh čar Japan, tuh pơ alin bơwih ƀong huă sui thun ƀơi Việt Nam ba glăi boh tŭ yua hiam klă.