Amăng jơnum Khul apăn bruă Ping gah tơring čar Dak Lak lơ 24/4, ƀing khua mua hơmâo tơlơi pơgôp hiăp kơ bruă dưm dăp, pơmut hrŏm anih anom mă bruă hăng sa, dua boh tơhan phun pơkŏn. Tui akŏ bruă, Dak Lak amra hrŏ trun mơng 180 dŏ 68 anih anom  mă bruă gưl să, dưm dưm 62,22% tui tơlơi rơkâo amăng tơlơi pơtrun mrô 60-NQ/TW. Kơnong plơi prong Buôn Ma Thuột amra dưm dăp dŏ 5 boh phường hăng sa boh să. Jơnum ăt tŭ ư kơ akŏ bruă pơmut hrŏm tơring čar Dak Lak hăng Phú Yên, akŏ pơjing tơring čar phrâo, hăng anih mă bruă phun lĕ ƀơi Dak Lak.

Tơdơi kơ pơmut, kual lŏn mơnai phrâo hơmâo rơbêh 18.000 km karê, mrô mơnuih rơbêh 3,3 klăk čô hăng 102 anih anom gưl să. Pơhiăp klah čun jơnum, Khua git gai Ping gah Nguyễn Đình Trung rơkâo djop gơnong bruă, anom bruă amăng tơring čar Dak Lak gum hrŏm kjăp hăng Phú Yên kiăng pok pơhai tŭ yua akŏ bruă, sit biă ñu lĕ bruă dưm dăp anih anom mă bruă, rơdêh nao rai hăng anih dŏ brơi mơnuih apăn bruă Phú Yên lơm nao mă bruă pơ Dak Lak.