Tal nao čuă gru grua pơ̆ dêh čar Kazakhstan mơ̆ng Khua git gai Ping gah dêh čar ta ơi Tô Lâm dưi čang rơmang amra ngă brơi tơlơi rô nao rai dua bơnah truh rơnoh dlông phrâo hăng hơdôm mơta hră pơ-ar gum hrŏm yôm phăn amăng lu bruă amra dưi kĭ pơkôl.

Pơkă hlâo amăng rơwang nao čuă mơ̆ng ơi Tô Lâm, dua bôh dêh čar amra hmâo tơlơi lăi pơtŏng kơ bruă gum hrŏm ƀơi sa tơhnal dlông phrâo, lăp djơ̆ hăng tơlơi čang rơmang hăng bôh tŭ yua mơ̆ng mơnuih ƀôn sang dua bôh dêh čar. Tui jơlan hơdră, tơdơi kơ pơđut hơdôm bruă mă ƀơi Kazakhstan, ơi Tô Lâm hrŏm hăng bơnai ñu, Grŭp khua pơ ala gưl dlông dêh čar ta amra čuă dêh čar Azerbaizan, čuă sit nik dêh čar Nga hăng pơhmư̆ mông ngă Lơphet hơdor glăi 80 thun Hrơi pơtlaih rơngai amăng rơnuk blah ngă pơgang lŏn ia hăng čuă dêh čar Belarus truh kơ 12/5/2025./.