VOV4.Jarai - Lơ 10/12/2024, amăng rơwang nao čuă dêh čar Khač, gum hrŏm git gai mông Jơnum tal 16 Jơnum min črâo ba gum hrŏm dua bơnah Việt Nam hăng Khač, Kơ-iăng Khua dêh čar, Khua Ding jum pơtom hiăp dêh čar ơi Bùi Thanh Sơn hmâo bơkơtuai laih hăng Kơ-iăng Khua mir sir dêh čar Khač ơi Hàn Chính.

VOV4.Jarai-Mơguah lơ 10/12, ƀơi sang jơnum prong ƀing pơ ala mơnuih ƀôn sang dêh čar, yua kơ ơi Trần Thanh Mẫn Khua git gai pơ ala mơnuih ƀôn sang dêh čar git gai, Jơnum min apăn bruă phun pơ ala mơnuih ƀôn sang dêh čar jơnum lok 40, jơnum lok rơnuč thun 2024.

VOV4.Jarai-Tlam lơ 9/12, Grup khua mua pơ ala mơnuih ƀôn sang dêh čar tơring čar Dak Lak jơnum bưp mơnuih ruah khua tơdơi kơ jơnum lok 8. Jơnum anai, pơphun ƀơi plơi prong Ƀuôn Ma Thuôt laih anun pok hơdră bơlăng nao rai amăng tivi hăng hơdôm tơring glông: Krông Pač, Krông Ƀŭk, Čư̆ Mgar, Krông Năng, Ea Sup hăng Ƀuôn Đôn.

VOV4.Jarai-Lơ 9/12, Kơ-iăng Khua dêh čar ơi Trần Hồng Hà, git gai jơnum hăng djop ding jum anom bruă hrŏm hăng khua mua ƀôn prong Hồ Chí Minh, tơring čar Long An,Tiền Giang kơ bruă kơsem min lăng tuh pơ alin pok prong jơlan rơdêh đuăi hmar ƀôn prong Hồ Chí Minh-Trung Lương-Mỹ Thuận.

VOV4.Jarai-Tlam mơmŏt lơ 9/12, ƀơi Anom bruă Kơnuk kơna, Khua dêh čar ơi Phạm Minh Chính hơmâo tŭ jum, mă bruă hăng khua mua 18 boh sang bruă sĭ mơdrô, group ngă bruă mơdrô mơ̆ng kơnung djuai Nghiêm, dêh čar Khač, rai ĕp lăng, anŏ gêh găl ngă hrŏm bơwih ƀong huă ƀơi Việt Nam.

VOV4.Jarai - Amăng 2 hrơi lơ 9 hăng lơ 10/12, ƀơi plơi prong Buôn Ma thuột, tơring čar Dak Lak, Gong phun jua pơhiăp dêh čar Việt Nam gum hrŏm hăng Anom pơđĭ kyar bruă pơtui jua pơhiăp pơdah rup kual ASIA – Thái Bình Dương (AIBD) pơphun anih pơhrăm “Bôh thâo čih tơlơi pơhing phrâo” pioh kơ ƀing čih tơlơi pơhing hăng dăp hơdră hơdôm Gong phun pơtui jua pơhiăp – pơdah rup amăng kual Dap Kơdư.

VOV4.Jarai-Mơguah tom brơi, lơ 9/12, ƀơi Hà Nội, Khua git gai ping gah ơi Tô Lâm git gai jơnum mă bruă hăng Anom bruă bơwih ƀong gơnong dlông sem lăng boh tơhnal ngă tui bruă mă mơ̆ng akŏ rơwang bruă ruah khua ping gah tal 13 truh ră anai.

VOV4.Jarai-Mơguah lơ 9/12, Khul pơ ala mơnuih ƀôn sang ƀôn prong Hà Nội tal XVI hơmâo pơphun jơnum lok 20.

VOV4.Jarai - Mơguah lơ 9/12, ƀơi ƀirô mă bruă Gong gai dêh čar, Khua dêh čar ta ơi Phạm Minh Chính git gai Jơnum tal 10 mơ̆ng Khul wai lăng bruă bơkơtưn hăng apah bơni dêh čar ta.

VOV4.Jarai-Tơring čar Dak Lak pơkă tơhnal mă bruă thun 2025 pơđĭ kyar bơwih ƀong huă dưi đĭ 7%. Lu hră pơtrun yom, ječ ameč, bơwih brơi kơ bruă git gai, wai lăng, pơđĭ kyar bơwih ƀong huă mơ̆ng tơring čar hơmâo pơsit laih amăng mông jơnum lok 9 ƀing pơ ala mơnuih ƀôn sang tơring čar phrâo anai.