Tui anun, Khul apăn bruă Ping gah tơring čar Dak Nông pơsit pơmut hrŏm Anom pơtô bruă Ping gah tơring čar hăng anom pơtô ba mơnuih ƀôn sang tơring čar jing anom bruă pơtô bruă Ping gah hăng pơtô ba mơnuih ƀôn sang Ping gah tơring čar Dak Nông dong mơng lơ 1/3. Ơi Lê Văn Chiến hơmâo jao bruă, ruah ngă Khua anom bruă. Hrŏm hăng bruă pơđut hĭ bruă mă mwong Ping gah khul hơdôm anom bruă hăng anom bơwih ƀong sĭ mơdrô, tơring čar Dak Nông hơmâo akŏ pơjing Ping gah hơdôm anom bruă Ping gah tơring čar Dak Nông hăng Ping gah Jơnum min mơnuih ƀôn sang tơring čar Dak Nông.

Ơi Lưu Văn Trung, Kơ-iăng khua git gai Ping gah, Khua Jơnum min mơnuih ƀôn sang tơring čar hơmâo ruah ngă Khua git gai Ping gah hơdôm anom bruă Ping gah tơring čar Dak Nông. Ơi Hồ Văn Mười, Khua Jơnum min mơnuih ƀôn sang tơring čar ngă Khua git gai Ping gah Jơnum min mơnuih ƀôn sang tơring čar Dak Nông. Khul apăn bruă Ping gah tơring čar Dak Nông pơsit ruah yă Nguyễn Thị Thu Hường, Khua gơnong pơphô bruă ngă kơ-iăng khua anom pơphun bruă Ping gah tơring čar dong mơng lơ 15/2/2025. Ruah ơi Đỗ Tấn Sương-Khua Jơnum min mơnuih ƀôn sang plơi prong Gia Nghĩa nao mă bruă amăng gơnong pơphô bruă kiăng Jơnum min mơnuih ƀôn sang tơring čar Dak Nông jao ngă Khua gơnong bruă.