Tơdơi kơ hmư̆ tơlơi lăi pơthâo glăi hăng hơdôm tơlơi gum pơhiăp bơkơtuai, Khua mir sir dêh čar ta ơi Lương Cường črâo rơđah, gah yŭ tơlơi git gai mơ̆ng Ping gah, hơdôm thun rơgao, bruă tơlơi phiăn dêh čar ta hmâo laih hơdôm yak đĭ kyar klă, ba glăi bôh tơhnal yôm phăn amăng lu mơta; pơphun bruă, bruă mă hơdôm bôh ƀirô tơlơi phiăn ƀu pơdơi pơplih phrâo, ngă giong klă, tŭ yua, ba glăi bôh tơhnal hloh.

Hluai tui anun, pơ̆ anăp anai, bruă pơplih tơlơi phiăn ngă tui dong Tơlơi pơtrun pơsit 27 kơ Pơjing Kơnuk kơna djơ̆ phiăn djop mơnuih dưm kơnar Việt Nam amăng rơwang phrâo; hrưn đĭ pơjing tơlơi phiăn juăt bruă, phrâo rơnuk anai, dưm kơnar, tơpă, djơ̆, djru bruă Lŏn ia, djru bruă mơnuih ƀôn sang. Gah bruă prăp lui kơ Mông jơnum tal sa thun 2025 mơ̆ng Grŭp črâo ba pơplih tơlơi phiăn dêh čar, Khua mir sir dêh čar ta lăi rơđah, bruă pơplih tơlơi phiăn khom kiăo tui hơdră pơtrun, jơlan gah mơ̆ng Ping gah, pơhlôm ha amăng plĕ, pơlir hơbit kơplah wah hơdôm hơdră bruă tơlơi phiăn, djru pơđĭ dlông bôh tŭ yua bruă mă gah tơlơi phiăn, pơjing Kơnuk kơna djơ̆ phiăn djop mơnuih dưm kơnar./.