Ƀơi Rơwang bruă jơlan kơtuai hang ia rơsĭ Dung Quất – Sa huỳnh črăn găn tơring čar Quảng Ngãi, Khua dêh čar ta ơi Phạm Minh Chính hmâo tơña bla mơnuih ƀôn sang ƀơi anai, ƀơk gơnam tam kơ mơnuih mă bruă pơkra jơlan, hrŏm hăng anun hmư̆ tơlơi lăi pơthâo glăi rơnoh ngă tui rơwang bruă.

Tui tơlơi lăi pơthâo glăi, Rơwang bruă jơlan nao rai kơtuai hang ia rơsĭ Dung Quất – Sa Huỳnh hmâo abih bang rơwang ataih 125 km; anih blung a tô nao rai hăng anih rơnuč mơ̆ng jơlan kơtuai hăng ia rơsĭ mơ̆ng tơring čar Quảng Nam (jơlan ƀơi anăp tơdrŏn rơdêh por Chu Lai) hăng anih rơnuč tô nao rai hăng jơlan kơtuai hang ia rơsĭ mơ̆ng tơring čar Bình Định ƀơi Km125+645. Kiăo tui anun Khua dêh čar hmâo nao pel ĕp hăng ƀơk gơnam kơ mơnuih mă bruă hăng tơlơi lăi pơthâo glăi rơnoh ngă tui Rơwang bruă Tuh pơplai pơdŏng ring bruă jơlan nao rai Kơdư – Dơnung dêh čar, črăn Quảng Ngãi – Hoài Nhơn. Hlâo kơ anun, Khua dêh čar ta ơi Phạm Minh Chính pel ĕp jơlan hơdră sut lui sang tơ̆i ƀơi tơring glông Mộ Đức, tơring čar Quảng Ngãi, čuă sang anô̆ ơi Trần Trung Kiên ƀơi să Đức Chánh./.