Kơčăo bruă man pơkra jơlan rơdêh treng Lào Cai - Hà Nội - Hải Phòng hơmâo anih akŏ phun ñu lĕ pơtruh găn gao guai plah wah graih rơdêh Lào Cai hăng graih Hà Khẩu Bắc (dêh čar Khač), gah rơnuč ñu lĕ ƀơi tơdrun tum păn Lạch Huyền, Hải Phòng. Glông jơlan phun hơmâo 391km hăng 3 glông jơlan anet năng ai 28km. jơlan rơdêh treng găn nao 9 boh tơring čar ƀôn prong kah hăng: Lào Cai, Yên Bái, Phú Thọ, Vĩnh Phúc, Hà Nội, Bắc Ninh, Hưng Yên, Hải Dương hăng Hải Phòng. Prăk man pơkra năng ai ñu 203.230 klai prăk, tuh pơ alin kơnuk kơna ngă pô. Gir truh thun 2030 dưi pơkra giong jơlan.

Ƀơi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn tŭ ư hăng tơlơi kiăng biă mă pơkra jơlan rơdêh treng Lào Cai - Hà Nội - Hải Phòng. Khua git gai pơ ala mơnuih ƀôn sang pơtă hlâo kiăng pơƀut čih pơkra kač rup hlâo, jơlan či pơkra prong, glông hơyah ƀơi, hăng hơdră tuh pơ alin ñu hiư̆m pă. Kiăng lăng glăi tong ten, ruah hơdră pơkra jơlan nao gah pơpă đah mơ̆ng pơhlôm pơtruh nao rai mơ̆ng Kơčăo bruă jơlan rơdêh treng dêh čar, jơlan rơdêh treng amăng plơi prong, jơlan pơkŏn dong; plai ƀiă găn nao kual ană plơi dŏ.