Khua git gai Ping gah dêh čar ơi Tô Lâm pơpŭ khul tơhan pơnah amrŏm phao apui 490 amăng hrơi blan rơgao hơmâo ngă klă bruă pơtô tơlơi pơmĭn kơđi čar, pơjing pran gum pơgôp, mut hrŏm kơtang, hrưn đĭ tơlơi pơmĭn amăng bruă jao, gơgrong hăng gir run mơng ƀing apăn bruă, ling tơhan. Kiăng pơgiong klă bruă jao amăng rơwang phrâo, Khua git gai Ping gah rơkâo, khul tơhan kiăng tŏ tui hruă kjăp ngă tui tơlơi pơtrun mơng Jơnum Ping gah đơ đam dêh čar tal XIII, tơlơi pơtrun mơng Jơnum Ping gah ling tơhan tal XI, hơdôm tơlơi pơtrun, tơlơi črâo ba mơng Khul apăn bruă Ping gah, Ding jum kơđi čar, Ping gah ling tơhan, Ding jum ling tơhan kiăng ngă pơgiong hăng ngă ba glăi tŭ yua bruă mă amăng Binh chủng Pháo binh hăng khul tơhan 490.

Ƀrô tal anai, Khua git gai Ping gah rơkâo, kiăng đing nao bruă pơjing Ping gah khul tơhan pơgiong klă hăng pơgiong djop bruă jao, ngă tui klă bruă hrăm hăng ngă tui tơlơi pơmĭn, gru hơdip hăng bruă mă mơng Khua mir sir Hồ Chí Minh, tal pơplông ngă tui gru grua, tŏ tui tơlơi thâo thăo, djơ̆ hăng anăn “Ling tơhan rơnuk wa Hồ” amăng rơnuk phrâo.