Khua dêh čar lăi pơtong, thun 2025, Kơnuk kơna amra jao hơnong pơkă pơđĭ kyar brơi djop ƀôn lan, ding jum, gơnong bruă bơdjơ̆ nao, hơdôm anom bơwih ƀong sĭ mơdrô kơnuk kơna. Tui Khua dêh čar, tơdah pơđĭ kyar tui hơđăp amra ƀu dưi ngă tui 2 hơnong pơkă pơđĭ kyar 100 thun. Tơdah kiăng tui anun thun 2025 kiăng pơđĭ kyar ƀiă biă mă ñu 8% GDP kiăng ngă atur, pơtrut pơsur brơi hơdôm thun pơ anăp pơđĭ kyar 2 mrô hăng tơlơi anai kiăng hơmâo tơlơi gum pơgôp mơng anom bơwih ƀong sĭ mơdrô, sit biă ñu lĕ hơdôm anom bơwih ƀong pơprong.

Khua dêh čar ơi Phạm Minh Chính rơkâo hơdôm anom bơwih ƀong sĭ mơdrô pơmĭn lăng amra ngă hiưm pă hăng čih anăn ngă tui laih dong ba tơbiă hơdră bruă kiăng ngă, samơ̆ anăm pơmĭn ba glăi tơlơi dưi hajăn, pơgang hưp ƀong kông ngă, ngă soh. Khua dêh čar čang rơmang khua mua hơdôm anom bruă mơng tơlơi sit nik, tơlơi găn rơgao, tơlơi truh kih, hăng tơlơi hor, pran jua mă bruă, khin hơtai pơgôp hiăp hăng pran jua tơpă sit, abih bang yua kơ bruă pơđĭ kyar lŏn ia ta, yua kơ tơlơi trơi pơđao yâo mơ-ak mơng mơnuih ƀôn sang.