VOV4.Jarai - Mơguah tom brơi 15/2, (hrơi tal 6 tết), anai lĕ hrơi blung a tơdơi kơ hơdôm hrơi pơdơi ƀong tê̆t tui phiăn juăt thun 2024, Khua dêh čar Phạm Minh Chính git gai jơnum tui tơđar Kơnuk kơna kiăng lăng glăi hơdôm hrơi ngui čơkă thun phrâo Giáp Thìn 2024 hăng pok pơhai hơdôm bruă jao akŏ phun tơdơi kơ tê̆t.

VOV4.Jarai – Găn rơgao ha tal blang wang, pơwot glăi hăng tơlơi hơdip rim hrơi, ƀing ling tơhan hơđăp tơring čar kual čư̆ siăng Yên Bái djă măng pô pran jua hur har, khin pơmin, khin ngă, gơgrong pô hrưn đĭ amăng tơlơi hơdip mơda, ngă pơdrŏng kơ drơi pô hăng djru pơdŏng plơi pla jai hrơi jai pơdrŏng asah klă hiam.

VOV4.Jarai – Mơguah tom brơi (15/2) ƀơi tơring čar Tuyên Quang, Khua mir sir dêh čar ta Võ Văn Thưởng pok phun Tết pla kyâo “Hơdor na nao kơ Wa Hồ” bơyan bơnga Giáp Thìn 2024.

VOV4.Jarai – Ƀrô djơ̆ tal akô̆ Bơyan bơnga thun phrâo, mơguah tom brơi (15/2), ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta Vương Đình Huệ bưp ƀô̆ mơta hơ-ưč hmưi Tết ƀing khua git gai, ƀing Khua pơ ala kơ Khua pơ ala mơnuih ƀôn sang dêh čar gơgrong bruă gah dêh čar hăng mơnuih mă bruă mơ̆ng Anom bruă Khua pơ ala mơnuih ƀôn sang dêh čar ta.

VOV4.Jarai-Lơ 14/2, ƀơi plơi prong Vũng Tàu, tơring čar Bà Rịa Vũng Tàu, Khua tơhan sơlup kual 2 tơhan ia rơsĭ hrŏm hăng djop sang bruă kơnuk kơna, khul ling tơhan dŏ mă bruă ƀơi Long Sơn pơphun jơnum, bơyan phang Tết pla kyâo hơdor na nao kơ Wa Hồ, kiăng čơkă mơak, anăp nao hơdor glăi thun Khua mir sir Hồ Chí Minh pơphun bruă sit truh têt pla kyâo kiăng hơmâo tơ-ui mơtah mơda thun 1959-2024, laih anun hluai tui hơdră kơnuk kơna pơtrun pla 1 klai phun kyâo yua kơ sa boh lŏn ia Việt Nam mơtah mơda, Khua dêh čar pô pơtrun ngă.

VOV4.Jarai – Tom brơi lơ 14/2 (lơ 5 Tết Giáp Thìn), bah amăng guai Tân Thanh hăng bah amăng guai jar kơmar Hữu Nghị (tơring čar Lạng Sơn) sit nik mă bruă glăi laih tơdơi kơ 4 hrơi pơdơi Tết.

VOV4.Jarai – Mơguah lơ 14/2, Khua git gai Ping gah ƀôn prong Hà Nội Đinh Tiến Dũng, Khua Jơnum min mơnuih ƀôn sang ƀôn prong Hà Nội Trần Sỹ Thanh hăng ƀing khua mua plơi prong hmâo nao tuĭ ñang ƀơi mông jơnum ngui Gò Đống Đa 2024.

VOV4.Jarai – Jơlan hơdră pơkă mơ̆ng lŏn ia kơ pơdŏng plơi pla phrâo pơjing pran pơhmăi kơtang ƀơi djop hơdôm bôh plơi kual Dap Kơdư. Ƀu djơ̆ kơnong kơ djru ƀô̆ mơta plơi pla pơplih phrâo ôh mơ̆ ñu dô̆ djru pơplih klă amăng hơdră pơmin, hơdră ngă hăng pơdŏng tơlơi hơdip mơda phrâo mơ̆ng mơnuih ƀôn sang ƀơi kual asuek, ataih, kual djuai ania ƀiă. Ƀơi tơring čar Lâm Đồng, khă tơlơi hơdip mơda bơwih ƀong mơnuih ƀôn sang dô̆ tơnap tap samơ̆ kơnang kơ thâo ngă tui pran kơtang gum hrŏm hơbit djuai ania, bruă gum tơngan hrŏm pơdŏng plơi pla phrâo hmâo ba glăi laih lu bôh tơhnal lăp djă pioh.

VOV4. Jarai-Kual Dap Kơdư lĕ anih anom dô̆ hơdip mơda mơ̆ng lu mơnuih lĕ djuai ania ƀiă hmâo bôh thâo lu mơta, pha ra. Anai ăt lĕ kual lŏn hmâo ayuh hyiăng rơ-ơ̆, glai klô hmâo lu mơta ra mơnong, bôh thâo đưm pha ra, lu gru grua, kông ngăn pioh glăi. Hơdôm tơlơi anai pơjing rai anô̆ gal prong biă, pha ra ha jăn amra pioh pơđĭ kyar djop mơta pioh tuai čuă lăng bôh thâo đưm, plơi pla, glai klô.

VOV4. Jarai-Kual Dap Kơdư, hăng phiăn juăt Sông kơtang, pran jua mut hrŏm kơjăp phik, neh wa djop djuai ania ha pran jua dơlăm hăng Ping gah, hăng Wa Hồ kiăng khăp.