Mơ-ak hrŏm mơnuih ƀôn sang kual mrô 8 amăng Hrơi Jơnum gum hrŏm hơbit abih bang djuai ania, Khua dêh čar ta ơi Phạm Minh Chính pơ ala kơ Khua git gai Ping gah, Kơnuk kơna, mơ-ĭt truh abih bang neh wa mơnuih ƀôn sang tơlơi lăi pơthâo jê̆ giăm, tơlơi tơña bla hăng tơlơi hơ-ưč hmưi klă hiam hloh.

Khua dêh čar ta ơi Phạm Minh Chính čang rơmang hăng đăo kơnang, mơnuih ƀôn sang kual 8 hăng tơring čar Lạng Sơn ngă tui pran jua gum hrŏm hơbit amăng rim kual plơi prong, tơring kual, tơring glông, tơring čar, đơ đam dêh čar hăng jar kơmar hăng hơdôm gơnam tam rơđah. Hrŏm hăng anun lĕ ngă tui klă tơlơi rô nao rai “Ping gah git gai, Kơnuk kơna wai lăng, mơnuih ƀôn sang ngă pô”, pơtrut “Pơplih phrâo kiăng hmâo tơhnal phrâo, pơčeh phrâo kiăng hrưn hyu ataih, mut hrŏm pioh anăp nao, gum hrŏm hơbit pioh hmâo dong pran kơtang”, ngă tui truh kih abih bang hơdôm tơhnal ba tơbiă, bruă jao thun 2024, pơjing anih gơgrong hăng phun akha kơjăp pơđĭ kyar tañ, kơjăp pơ̆ anăp anai, tơlơi hơdip mơda, pran jua mơ̆ng mơnuih ƀôn sang thun dơi dlông hloh thun hlâo./.