Đĭ pơhiăp pok pơphun mông mă bruă, Khua git gai Ping gah dêh čar ơi Tô Lâm lăng yôm hră lăi pơthâo mơng Khul ăt djop mơta hăng hơmâo lu tơlơi pơplih phrâo, laih dong lăi pơtong: Găn rơgao kơsem min blung a mơng hơdôm hră pơ-ar brơi ƀuh khul prap lui tong ten, hơmâo lu boh tơhnal phrâo pơhmu hăng hră lăi pơthâo hlâo anun, samơ̆ pơhmu hăng tơlơi yôm mơng Jơnum tal 14 črăn hră pơsit amăng anun hơmâo hră lăi pơthâo kơđi čar, hră lăi pơthâo tơlơi bơwih ƀong huă mơnuih mơnam kiăng tŏ tui hrưn đĭ ƀiă dong.

Ding jum kơđi čar, Khul git gai Ping gah hơmâo tŭ ư hrŏm tơlơi yak nao amăng rơnuk phrâo, rơnuk pơđĭ kyar, pơdrong asah mơng lŏn ia dong mơng Jơnum Ping gah tal 14. Anai ăt lĕ tơlơi yak nao phrâo amăng čih pơkra hơdôm hră pơ-ar hơmâo Jơnum gơnong glông tal 10, ƀing khua mua Ding jum kơđi čar, Khul git gai Ping gah pơtă pơtăn, kiăng dưi ngă tui hơdôm hơnong pơkă anai khŏm gir run kơtang hloh, gir run ƀiă tui hơđăp, hluai tui tơlơi gal, gum tơngan hrŏm hăng kiăng hơmâo hơdôm hơdră pơplih phrâo kiăng yak nao tañ ƀiă, čơkă mă hlâo, anăm brơi ba tơbiă hơnong pơkă mơ̆ ƀu dưi ngă tui.