Gong gai kơnuk kơna pơ anai hơmâo ngă tui lu hơdră kiăng pơhlôm pơgang brơi mơnuih ƀôn sang. Ơi Lê Hữu Hưng, Khua Jơnum min mơnuih ƀôn sang să Kim Tân, tơring glông Ia Pa, Gia Lai brơi thâo, hơjan sui hrơi, hơjan prong yap mơ̆ng mlam lơ 11 truh abih lơ 12/11.

Lơ̆m 5 mông mơguah sing bring lơ 13/11, jơlan găn nao pơ hnoh ia Đak Pi Hao, ƀơi črăn tơdrông tua tui bơnư̆ pơkong ia blai đĭ či plơi Mơnang 2, ia rô kơtang đơi, ngă kơ 315 boh sang anŏ mơnuih ƀôn sang ƀu thâo tơbiă hyu ôh. Gong gai kơnuk kơna hơmâo nao pơtô ba, pơtă pơtăn mơnuih ƀôn sang ƀu dưi găn nao ƀơi jơlan bơnư̆ ngă anŏ tua găn ia anun ôh hăng brơi ƀing tơhan nao pơgăn jơlan ƀu brơi găn rơgao nao rai hŭi ƀu hơđong.