Kơ-iăng Khua mir sir yă Võ Thị Ánh Xuân lăi pơtong, Việt Nam lăng yom na nao bruă ngă pŭ ƀăn lu mơta hăng Thụy Điển, djơ̆ găl hăng tơlơi hơmâo, anŏ gêh găl laih anun tơlơi či kiăng mơ̆ng hơdôm bơnah. Dua bơnah tŭ ư hrŏm lăi, dua boh dêh čar kiăng mă yua tŭ yua hloh tơlơi gêh găl, anŏ kơtang mơ̆ng pô, pơtrut ngă hrŏm tŭ yua sit nik, dua bơnah lêng bơ hơmâo boh tŭ yua kơ pô soh; lăi pơtong boh yom phun amăng bruă pơblih nao rai khul grup khua mua pơ ala mơnuih ƀôn sang dêh čar hăng djop jơnum jơnum min apăn bruă dua bơnah khua pơ ala čuă jơmư hrăm nao rai tơdruă.

Lăi nao hơdôm tơlơi pơhing ƀơi jar kmar dua bơnah đing nao, ăt tŭ ư brơi ngă hrŏm hăng dong yua tơdruă ƀơi mông jơnum lu boh dêh čar, jơnum dua bơnah hai kiăng kơtưn ngă hrŏm pơsir tơlơi rơnuk rơnua tui tơlơi pơtrun amăng Phiah phiăn Sang gum hơbit djop dêh čar hăng tơlơi phiăn jar kmar; pơtrut bruă sĭ mơdrô rơngai, pơđĭ kyar hơđong kơjăp hăng hơmâo hing ang klă amăng rŏng lŏn tơnah.