Ƀơi plơi prong jưh jom Bắc Kinh, ơi Phan Đình Trạc hăng grup khua mua dêh čar ta hơmâo bưp ơi Lý Hy, Khua git gai ping gah Jơnum min ĕp kơđi bruă mă ping gah dêh čar Khač; bơkơtuai hăng ơi Trần Văn Thanh, Khua Jơnum min ngă tui tơlơi phiăn ping gah dêh čar Khač; mă bruă hăng khua mua Jơnum min pel ĕp kơđi ping gah dêh čar Khač.

Ƀơi mông bưp nao rai khua mua pơprong, dua bơnah hơmâo lăi nao boh yom phara kơ tal nao čuă jơmư mơ̆ng dua bơnah khua git gai ping gah dêh čar, khua mua dua bơnah lŏn ia, phrâo anai hloh khua git gai ping gah ơi Tô Lâm nao čuă dêh čar Khač; lăng yom hơdôm yak ngă bruă pơđĭ kyar tŭ yua, hlom bom mơ̆ng bruă ngă giăng mah dua bơnah ping gah, dua bơnah dêh čar amăng djop bruă mă, boh nik ñu amăng bruă jĕ giăm rô nao rai re se, tơlơi čuă jơmư trư găn, ngă hrŏm bơwih ƀong huă sĭ mơdrô hăng kơtưn tuh pơ alin lu hloh, ngă hrŏm bruă čơkă tuai hăng jĕ giăm mơnuih ƀôn sang pơphun mơak biă mă, pơtrut bruă ngă pŭ ƀăn plah wah Việt Nam hăng Khač pơđĭ kyar dlông hloh amăng rơnuk phrâo.