VOV4.Jarai-Bơyan ngui blan bơrơmi jê̆ giăm. Amăng hơdôm hrơi anai, bruă sĭ ƀañ hăng gơnam ngui bơyan blan bơrơmi ƀơi Dak Lak pơphun dik dak mơn. Bruă pơhlôm mơnong ƀong hơdjă glăk hơmâo hơdôm anom bruă bơdjơ̆ nao đing nao wai lăng kjăp. Amăng hơdôm tal pel ĕp, anom bruă bơdjơ̆ nao hơmâo pơlir hăng bruă pơtô pơblang tơl hơdôm sang pơkra gơnam, anom bơwih ƀong huă hơdôm tơlơi pơkă amăng tơlơi phiăn sĭ mơdrô gơnam hăng pơhlôm mơnong ƀong hơdjă.

VOV4.Jarai - Mơmot lơ 15/9, Jơlan hơdră “Jam asơi ƀơi pơnăng” Buôn Ma Thuột, tơring čar Dak Lak pơphun mlăm adôh suang Blouse kô̆, pok phun jơlan hơdră gum djru 15.000 anung asơi brơi kơ mơnuih ƀôn sang kual Kơdư dêh čar bơdjơ̆ nao kơthel tal 3.

VOV4.Jarai - Lơ 15/9, Khua dêh čar ơi Phạm Minh Chính git gai mông jơnum hăng hơdôm anih anom hmâo bơdjơ̆ nao kơthel tal 3 ngă črông lô kơ bruă pơsir răm rai yua kơthel ngă, djru mơnuih ƀôn sang, anom bơwih ƀong hơđong tơlơi hơdip mơda.

VOV4.Jarai-Tơdơi kơ 4 hrơi pơphun jak iâu gum pơgôp, grup pơphun gum djru ƀơi tơring čar Kon Tum hơmâo pơhrui glăi hơdôm hơpluh tơ̆n gơnam tam mơng djop anih anom hăng ƀing mơnuih čơmah ba nao pơčuih djru brơi kual kơdư.

VOV4.Jarai-Ƀrô tal nao mă bruă ƀơi tơring čar Dak Lak, lơ 15/9, Kơ-iăng khua dêh čar ơi Nguyễn Hòa Bình hơmâo nao čuă sang hră gưl sa, gưl dua, gưl tlâo Hoàng Việt, ƀơi plơi prong Buôn Ma Thuột.

VOV4.Jarai - Tơlơi ngă soh phiăn pơkă kơ hơđong pơhlôm ƀơi jơlan nao rai pơ̆ hơdôm ară jơlan nao rai amăng plơi pla ră anai ăt dô̆ lu mơn. Hơdôm bruă ngă juăt ƀuh lĕ ƀu đoa muk pơgang akô̆, pơgiăng rơgao mrô mơnuih pơkă, biă ñu lĕ tơlơi đuăi hmar blăi ča mơ̆ng sa čô mơnuih hlăk ai, tơdăm ngek dra muai... Huĭ rơhyưt hloh lĕ, hlăk ai tơdăm ngek dra muai ƀơi anai juăt tum pơƀut ƀong mơñum, laih anun đuăi rơdêh thut gư̆ ƀô ngañ rơbañ biă, ngă pơsuh amăng plơi pla.

VOV4.Jarai-Tlam lơ 13/9, ƀơi Ƀirô Kơnuk kơna, Khua dêh čar ơi Phạm Minh Chính tŭ jum ƀing khua Khul črâo ba bruă bơwih ƀong sĭ mơdrô kual ASEAN (ASEAN BAC) ƀrô hrơi nao jơnum tal 101 mơng khul ASEAN BAC ƀơi Hà Nội.

VOV4.Jarai-Ƀrô bơyan blan bơrơmi thun 2024, lơ 13/9, Khua git gai Ping gah, Khua mir sir ơi Tô Lâm hơmâo mơ-it nao tơlơi pơpŭ kơ ƀing čơđai Việt Nam amăng lŏn ia hăng pơ tač rơngiao, ƀing čơđai mơnuih ƀôn sang gah rơngiao dŏ hơdip ƀơi Việt Nam.

VOV4.Jarai - Mơguah lơ 13/9, ƀơi plơi prong Plei Ku, tơring čar Gia Lai, Binh đoàn 15 (Ding jum khul ling tơhan) hmâo pơphun Jơnum bơkơtưn truh kih rơwang 2019-2024.

VOV4.Jarai - Mơguah lơ 13/9, Ding jum kơđi čar gum pơhiăp kơ: Akô̆ bruă klah čun ƀơƀiă 5 thun ngă tui Tơlơi pơtrun pơsit mrô 45 mơ̆ng Ding jum kơđi čar tal 12 kơ pơdŏng hăng pơđĭ kyar ƀôn prong Hải Phòng truh thun 2030, tơhnal lăng nao truh thun 2045.