Tơdơi kơ mông čơkă sit nik, Khua mir sir ơi Lương Cường hrŏm hăng Khua mir sir Gabriel Boric Font hơmâo ba khua mua pơprong dua bơnah nao jơnum bơkơtuai hơdôm hơdră bruă kiăng pơgôp ngă dơlăm tui, ba glăi tŭ yua ƀiă dong tơlơi rô nao rai ngă hrŏm kơplah wah dua bơnah. Dua boh dêh čar hơmâo ba tơbiă tơlơi pơsit hrŏm kiăng ngă dơlăm tui tơlơi rô nao rai djop mơta Việt Nam-Chile.

Dua bơnah ăt hơmâo kĭ sa, dua hră pơ-ar ngă hrŏm amăng bruă sĭ mơdrô pơ tač rơngiao, ngă hmua, ling tơhan, ngă hrŏm ƀon lan hăng sa, dua bruă yôm phăn pơkŏn kiăng ngă gêh gal pơđĭ kyar kơtang ƀiă dong tơlơi rô nao rai djop mơta kơplah wah dua bơnah; laih dong tŭ ư hrŏm kơ bruă tŏ tui pơtrut pok prong ngă hrŏm hăng pơlăi nao rai tơlơi găn rơgao amăng hơdôm bruă amra pơhrua nao rai anun lĕ wai pơgang jum dar, bong glăi ayuh hyiăng pơplih sat, pơđĭ kyar mơtah, hơđong kjăp. Pơkra gơnam đang hmua, mă hơdăng pơtâo, pơplih pơčeh phrâo.