Anih tal sa lĕ dưm truă ƀơi plơi Tu Thŏ, să Tea Săng hăng anih tal 2 lĕ dưm truă ƀơi plơi Đak Zơn, să Măng Ri. Rơnoh prăk man pơdong dua boh anih pơyiong jua anai giăm 1 klai prăk. Hlâo adih anih pơyiong jua pơhiăp amăng kual anai mă yua, jua pơhiăp kơ telephôn kiăng dưi pơhiăp nao rai hăng mơnuih ngă hmua pla sâm Ngọc Linh ƀu rơđah ôh, yua kơ anun, tơnap tap amăng bruă pơtruh brơi tơlơi pơhing. Tơdu đơi jua pơhiăp pơyiong đĭ, anun mơnuih ƀôn sang pla sâm aka ƀu dưm kamera lăng sŭ ôh, kiăng pơgang đang phun sâm gơñu.

Tơdơi kơ hơmâo anom pơđĭ tui jua pơyiong anai, hơmâo 7 boh sang anŏ mơnuih ƀôn sang să Măng Ri, tơring glông Tu Mrông dưm truă kamera lăng sŭ pioh pơgang đang phun sâm sang anŏ. Hơdôm sang anŏ hơmâo đang sâm Ngọc Linh jĕ giăm ăt dưi pơhlôm brơi hrŏm mơ̆n amăng bruă wai lăng abih bang.