Mơmot tom brơi (12/11) ƀơi Hà Nội, čơkă mơ-ak hơdor glăi 94 thun Hrơi gru grua phiăn juăt Jơnum min djop djuai ania mơnuih mơnam dêh čar Việt Nam (18/11/1930 – 18/11/2024), Khua git gai Ping gah dêh čar ta ơi Tô Lâm nao pơhmư̆ laih Hrơi Jơnum ngui gum hrŏm hơbit abih bang djuai ania hăng neh wa mơnuih ƀôn sang ƀơi phường Quán Thánh, quận Ba Đình, Khua git gai Ping gah dêh čar ta lăi rơđah, pran kơtang mơ̆ng gum hrŏm hơbit abih bang djuai ania jing sa amăng hơdôm ngăn rơnoh yôm phăn hloh, kơtang hloh pioh abih bang Ping gah, abih bang mơnuih ƀôn sang, abih bang tơhan ta yak rơgao djop tơlơi tơnap, tơlơi lông, ngă tui truh kih bruă pơplih phrâo, pơđĭ kyar lŏn ia lăi hrŏm hăng pơdŏng plơi prong jưh jom rơnuk rơnua, thâo rơgơi, rơnuk anai lăi ha jăn.

Lăi rơđah lŏn ia ta hmâo tum pơƀut djop hơdôm tơlơi kiăng hloh hăng glăk dŏng ƀơi anăp tơhnal gru grua đưm yak mut amăng rơnuk phrâo, rơnuk phrâo hrưn đĭ mơ̆ng djuai ania, khă hnun hai kiăng dưi ngă tơlơi anai, Khua git gai Ping gah dêh čar ta lăi lĕ, pơ̆ anăp anai khom lăi pơthâo dơlăm tơlơi pơmin “Mă mơnuih ƀôn sang ngă phun, pô mơ̆ng djop hơdră pơtrun, hơdră bruă", "mă yâo mơ-ak, trơi pơđao mơ̆ng mơnuih ƀôn sang jing tơhnal hrưn đĭ", đing nao pơtlaih tơlơi tơnap, “anih ngă gun" kiăng pơsir, iâo pơhrui hăng mă yua ba glăi bôh tơhnal ngăn rơnoh, pơčeh phrâo, pơsir djop tơhnal gal, pơtrut kơtang pơđĭ kyar bơwih ƀong - mơnuih mơnam, pơđĭ dlông tơlơi hơdip gơnam tam, pran jua mơnuih ƀôn sang, pơhlôm djop mơnuih ƀôn sang leng kơ dưi čơkă mă hơdôm bôh than dưi ngă mơ̆ng pơplih phrâo, pơđĭ kyar, ƀu hmâo hlơi lui lơi gah tlôn./.