Amăng hră mơ-ĭt kơ ơi Sekiguchi Masakazu hăng ơi Nukaga Fukushiro Khua git gai pơ ala mơnuih ƀôn sang ơi Trần Thanh Mẫn đăo kơnang, hăng tơlơi găn rơgao lu mơta hăng hmâo arăng hmư̆ tui lu mơ̆ng pô, dua Khua git gai mơnuih ƀôn sang gơnong dlông hăng gơnong yŭ Japan hmâo dong lu bôh than prong hloh dong, djru kơ pơđĭ kyar pơdrong asah hăng jai hrơi jai pơđĭ dlông gơgrong mơ̆ng Japan ƀơi jar kơmar.

Khua git gai pơ ala mơnuih ƀôn sang ơi Trần Thanh Mẫn mơ-ak lăng ƀuh tơlơi rô nao rai “Gum hrom khom ngă abih bang yua kơ tơlơi rơnuk rơnua hăng pơđĭ kyar ƀơi kual ASIA hăng ƀơi rŏng lŏn tơnah” kơplah wah Việt Nam hăng Japan glăk pơđĭ kyar klă hiam amăng lu bruă, hăng phun than đăo kơnang bruă kơđi čar dlông hrŏm hăng tơlơi pơkĕ hrŏm gru grua sui thun, tơlơi lăng juăt gah bôh thâo đưm hăng tơlơi djơ̆ hrŏm gah tơhnal djuai ania; tơlơi rô nao rai kơplah wah Khua pơ ala mơnuih ƀôn sang Việt Nam hăng Japan hơdôm hrơi rơgao ƀu pơdơi kơtưn đĭ, djru yôm phăn kơ bruă pơđĭ kyar kơtang kơjăp, sit nik tơlơi rô nao rai kơplah wah dua bôh dêh čar./.