Sang hră đại học Tây Nguyên ră anai hmâo rơbêh kơ 9.500 čô čơđai sang hră, ƀing hrăm gưl dlông; pơtô pơhrăm 5 bruă tiến sỹ, 12 bruă thạc sỹ hăng chuyên khoa cấp I, 37 bruă gưl dlông. Hrŏm hăng anun, sang hră dô̆ ngă tui bruă pel ĕp pơjrao hăng djru brơi mơnuih ƀôn sang ƀơi Sang ia jrao Đại học Tây Nguyên.

Pơhiăp amăng mông ngă lơphet pok phun thun hrăm phrâo, Nai prin tha Nguyễn Thanh Trúc, Khua Sang hră Đại học Tây Nguyên brơi thâo, sang hră kơtưn đĭ dong bruă wai lăng gưl dlông; ngă giong hơdră pơphun tui jơlan gah rơguăt, mă yua bôh tơhnal; ngă giong akô̆ bruă pơmut hrŏm sang hră Cao đẳng Sư Phạm Dak Lak mut amăng Sang hră đại học Tây Nguyên; prăp lui hơdôm tơlơi kiăng pơjing sang hră gưl dlông kual hlâo kơ thun 2030. Sang hră ăt amra đing nao hloh mơn hơdôm bruă pơtô pơhrăm bruă đang hmua măi mok yôm, hơdră phrâo sinh học tui Akô̆ bruă Ding jum pơtô pơhrăm kơ “Pơdŏng Anom pơtô pơhrăm kơjăp ƀơi plơi prong Buôn Ma Thuột hăng plơi prong Đà Lạt”./.