VOV4.Jarai – Khul hlăk ai tơring čar Dak Lak gum hrŏm hăng anom bruă djru gum ƀơk hơdôm rơtuh anung gơnam kơ mơnuih ƀun rin ƀơi plơi prong Buôn Ma Thuột.

VOV4.Jarai – Čơtlăm lơ 5/2, Khua dêh čar ta Phạm Minh Chính hmâo nao čuă Anom bruă tơhan polih wai lăng rô nao rai, Ding jum kông ang hăng hơ-ưč hmưi Tết, pơsur mơnuih apăn bruă tơhan, tơhan wai lăng bruă rô nao rai ƀơi jơlan glông đơ đam dêh čar.

VOV4.Jarai - Mơguah lơ 5/2, Khua dêh čar Phạm Minh Chính git gai Jơnum mă bruă hăng Jơnum min wai lăng rơnoh yua Kơnuk kơna ƀơi anom bơwih ƀong sĭ mơdrô hăng 19 grup, kông ti phun amăng pok pơhai bơwih ƀong, sĭ mơdrô thun 2024 hăng pơtrut kơtang tuh pơ alin pơđĭ kyar bơwih ƀong huă-mơnuih mơnam.

VOV4.Jarai-Bơyan phang ƀơi bul pơtâo Trường Sa ñu phara biă mă pơkă hăng hơdôm anih pơkŏn amăng dêh čar Việt Nam. Têt jơngum sang anŏ dŏ ber hrŏm mơak mơai,…samơ̆ hăng ƀing tơhan sơlup dŏ amăng kual ia rơsĭ, têt jing mông lăp hơdor pioh biă mă, jruh ia mơta mah tơdăm tơhan phrâo mut, lăng kơ ƀô̆ mơta ƀing khua tơhan, sit lăng glăi rup sang anŏ gơñu djă ba dưm ƀơi akŏ sưng pit đih. Hloh kơ anun, têt hăng ƀing tơhan dŏ mă bruă pơ anih ataih, wai pơgang guai dêh čar lăp pơ-ư ang, hăng tơngan khom djă kjăp phao kơtuang kiăng pơgang rơnuk rơnua amăng kual ia rơsĭ, kual adai rơngit dêh čar, brơi tơlơi mơak sa bơyan bơnga amăng dêh čar plơi pla pơ lŏn hang.

VOV4.Jarai – Mơguah lơ 5/2, ƀơi Hà Nội, Khua mir sir dêh čar ta Võ Văn Thưởng nao čuă, pel ĕp bruă dô̆ gak, prăp lui pơgang hăng hơ-ưč hmưi Tết khua mua tơhan, ling tơhan Ƀirô pơtrun bruă tơhan polih hơdeč hmar ƀrô djơ̆ tal čơkă bơyan bơnga Giáp Thìn 2024.

VOV4.Jarai - Să Phước Bình, tơring glông Bắc Ái, tơring čar Ninh Thuận jing să hơmâo lu tơlơi gêh gal či pơđĭ kyar tuai čuă lăng anih anom glai klô, wơ̆t hăng gru grua plơi pla. Khă hnun, bruă pơphun ngă bruă ăt hơmâo lu mơn tơlơi aka ƀu dưi, biă ñu lĕ bruă hơdjă agaih anih hơdip, tơlơi pơmin pơkra gơnam...Kiăng pơsir brơi tơlơi pơgăn anun, thun blan rơgao, mơnuih ping gah djuai ania Raglai ƀơi să Phước Bình pơđĭ tui tơlơi gơgrong bruă mơ̆ng gơñu amăng bruă iâu pơthưr mơnuih ƀôn sang pơplih tơlơi pơmin, hơdră ngă bruă, hrŏm hăng gong gai gum akŏ pơjing hơbô̆ bruă “Čuă lăng anih anom glai klô hăng gru grua boh thâo amăng plơi pla”.

VOV4.Jarai - Tlam lơ 1/2, Khul ping gah Anom pơtô bruă Ping gah dêh čar jơnum bơbưp ngă lơphet 94 thun Hrơi akŏ pơdong Ping gah Cộng sản Việt Nam hăng brơi Miđai Ping gah.

VOV4.Jarai - Rim čô čơđai sang hră gưl prong, hlăk ai tơdăm dra amra jing “pô pơ ala” bang hyu anŏ klă, tơlơi yôm gru đưm hăng gru grua boh thâo hiam mơ̆ng djuai ania ta hăng gơyut gơyâo amăng dêh čar wơ̆t hăng pơ čar rơngiao. Anai jing tơlơi čang rơmang mơ̆ng khua mua plơi prong Buôn Ma Thuột, tơring čar Dak Lăk ƀơi jơlan hơdră bưp, pơpŭ bơni kơ ƀing čơđai sang hră, hlăk ai tơdăm dra djuai ania ƀiă hăng tơlơi đăo thun 2024.

VOV4.Jarai - Mơmot tom brơi (lơ 2/2), ƀơi Sang jơnum Thống Nhất, ƀôn prong Hồ Chí Minh, pơphun jơlan hơdră Ngui adoh suang čơkă Bơyan bơnga plơi pla 2024, gru grua adoh suang lăp hơdor amăng pran jua mơnuih ƀôn sang pơ dêh čar tač rơngiao hăng mơnuih ƀôn sang ƀôn prong Hồ Chí Minh.

VOV4.Jarai-Ƀrô djơ̆ tal čơkă thun phrâo Giáp Thìn 2024, tui hăng gru grua djuai ania, Khua mir sir Võ Văn Thưởng nao čuh ñang h’ŭ, hơdor tơngia kơ khua mua hơđăp ping gah, kơnuk kơna rơngiă laih hăng nao čuă jơmư ƀing khua mua ping gah, kơnuk kơna glăi pơdơi thun tha ƀơi ƀôn prong Hà Nội.