Hlâo anun, amăng 2 hrơi lơ 7-8/11, Anom bruă git gai tơhan wai pơgang guai tơring čar Dak Lak hơmâo git gai hơdôm puih kơđông tơhan wai pơgang guai ƀơi kual giăm guai tơring glông Buôn Đôn gum hrŏm hăng anom bruă git gai ling tơhan tơring čar Dak Lak, sang hră pơtô tơhan mơgăt rơdêh por, Khul tơhan rơdêh por mrô 940 pơkiăo nao ling tơhan, rơdêh hyu ĕp rơdêh pôr Yak-130 lê̆ trun.

Ƀơi să giăm guai Ea Bung, tơring glông Ea Sup hăng đang glai Yok Đôn, tơring čar Dak Lak lĕ anih rơdêh por glăk hrăm Yak-130 mơng Khul tơhan rơdêh por 940 ƀuh tal rơnuč hlâo kơ rơngiă theng. Tơdơi kơ 2 hrơi gir run hyu ĕp, ling tơhan hơmâo pơtong sit anih rơdêh por Yak-130 lê̆ trun giăm anih wai pơgang mơng anom bruă wai lăng glai mrô 9 ƀơi đang glai dêh čar Yok Đôn.