Amăng tal hyu mă bruă anai, Khua dêh čar ơi Phạm Minh Chính hơmâo mă bruă hăng djop bơnah, hăng 19 wŏt pơbưp dua bơnah, hơmâo jơnum hăng Khua dêh čar Khač ơi Lý Cường; hrŏm hăng Khua dêh čar ơi Lý Cường nao lăng tal hơdor glăi akŏ pơjing sang anih jưh pơ ala dêh čar Việt Nam ƀơi Trùng Khánh; bưp Khua git gai tơring čar Vân Nam, ƀôn prong Trùng Khánh, kual wai pơgang mă djuai ania Choang Quảng Tây…

Amăng mông bưp, pơlăi nao rai mơng Khua dêh čar ơi Phạm Minh Chính hăng Khua dêh čar Lý Cường hăng Khua mua tơring čar Vân Nam, Trùng Khánh, Quảng Tây, dua bơnah hơmâo lu tơlơi tŭ ư hrŏm yôm phăn kơ bruă tŏ tui pok pơhai, ngă tui tơlơi pơsit hrŏm mơng khua mua, pơtrut tơlơi rô nao rai Việt Nam hăng Khač, amăng anun hơmâo hơdôm boh tơring čar ƀơi dêh čar Khač pơđĭ kyar jai hrơi tŭ yua, sit nik, hơđong kjăp.