Truh ră anai đơ đam dêh čar dô̆ năng ai ñu rơbêh kơ 315 rơbâo bôh sang anô̆ hmâo tơlơi tơnap kơ sang dô̆ kiăng gum djru pioh pơplih sang dô̆ pơhlôm kơjăp, hơđong pioh “hơđong anih dô̆, bơwih ƀong huă”, djru ngă tui hơdră bruă đing nao gum djru hăng mơnuih djru ngă hơkrŭ đưm, ngă giong tơhnal pơkă hrŏ trun ƀun rin kơjăp, pơhlôm hơđong tơlơi hơdip mơda mơnuih mơnam. Pơhiăp črâo ba amăng mông jơnum, Khua dêh čar ta ơi Phạm Minh Chính rơkâo ƀing ding kơna Grŭp črâo ba lăi pơthâo nao rai, bơkơtuai, lăi pơthâo hăng pran jua tơpă ară, gơgrong, đing nao sa dua bôh yôm phun lĕ pơsit rơđah tơhnal pơkă, tơlơi pơmin, pơsit jơlan gah črâo ba pioh ngă tui khut khăt, ba glăi bôh tơhnal Jơlan hơdră, pơhlôm ngă giong amăng thun 2025.

Pơblăng, pơsit rơđah hơdôm tơlơi tơnap, tơlơi gun hăng bruă pơsir hăng bruă jao, jơlan pơsir phun, kơčăo bruă, glông jơlan ngă tui pioh giong tơhnal ba tơbiă amăng thun 2025./.