Pơhiăp amăng mông bơkơtuai, Khua dêh čar ơi Phạm Minh Chính lăi rơđah hơdôm tơlơi djơ̆ hrŏm, lăng juăt kơplah wah dua bôh dêh čar Việt Nam, Khač wot gah glai klô, bôh thâo đưm hăng gru grua đưm. Kiăo tui anun, dua bôh dêh čar hmâo “čư̆ pơlir čư̆, ia pơlir ia”, gru grua đưm rô nao rai sui thun, pran jua giăng mah” jing ƀing gŏp rah hăng jing adơi ayong rah”.

Biă ñu, tơdơi kơ hơdôm tal čuă nao rai jê̆ hăng anai mơ̆ng khua mua gưl dlông dua Ping gah, dua bôh dêh čar, tơlơi rô nao rai gum hrŏm khom ngă abih bang Việt Nam – Khač glăk hmâo phun akha bruă kơđi čar kơjăp phik. Khua dêh čar lăi lĕ, kiăng biă pơtrut gum hrŏm bơwih ƀong, sĭ mơdrô, tuh pơplai lu hloh dong, kơtang hloh, ba glăi bôh tơhnal hloh dong. Việt Nam pơsit pơđĭ kyar bơwih ƀong lĕ bruă jao phun, pơdŏng bruă bơwih ƀong rơngai, gơgrong pô nao hrŏm hăng gơgrong hlâo, mut hrŏm klă hăng jar kơmar dơlăm prong, sit nik, ba glăi bôh tơhnal; pơhlôm pơgang lŏn ia, plơi pla, djă kơjăp hơđong bruă kơđi čar, hơđong pơhlôm mơnuih mơnam pioh pô tuh pơplai hơ-in pran jua bơwih ƀong huă hơđong, sui thun./.