VOV4.Jarai-Tom brơi, lơ 30.8, ƀơi plơi prong Plei Ku, anom bruă git gai mơ̆ng dêh čar pơgăn tơlơi soh sat sĭ mơdrô dŏp, pleč ƀlor hăng gơnam pơkra ngă mă ča jơnum pơčrong sai hăng hơdôm tơring čar kual Dap Kơdư.

VOV4.Jarai-Pơhiăp đĭ amăng mông tŭ jum khua ping gah čih pơkra phiah phiăn Japan (CDP), ơi Izumi Kenta lơ 30/8, Khua git gai pơ ala mơnuih ƀôn sang dêh čar ơi Vương Đình Huệ lăi lĕ, amăng 50 thun rơgao, tơlơi ngă giăng mah pơtom hiăp Việt Nam-Japan pơđĭ kyar hiam klă.

VOV4.Jarai-Mơguah tom brơi (30/8), ƀơi Ƀirô mă bruă, Kơ-iăng khua mir sir yă Võ Thị Ánh Xuân bưp ƀing tơčô săng wa Hô lĕ ƀing čơđai hrăm hră rơgơi, ƀing čơđai wai lăng grup čơđai sang hră rơgơi djop gưl amăng tơring čar Bình Dương.

VOV4.Jarai-Mơguah lơ 30/8, ƀơi Ƀirô mă bruă, Khua mir sir ơi Võ Văn Thưởng tŭ jum Khua anih jưh pơ ala dêh čar Kazakhstan Yerlan Baizhanov, nao bưp mă tơngan pơđut hĭ thun mă bruă ƀơi Việt Nam.

VOV4.Jarai - Hok mơ-ak ngă lơphet 78 thun hrơi akŏ pơdong kơnuk kơna dêh čar Cộng hoà xã hội Chủ nghĩa Việt Nam (lơ 2/9/1945-2/9/2023), mơguah tom brơi (lơ 30/8), ƀơi plơi prong jưh jom Hà Nội, Khua dêh čar ơi Phạm Minh Chính hơmâo pơhmư̆ mông ngă lơphet mă yua tơdrông Vĩnh Tuy - Rơwang 2.

VOV4.Jarai – Amăng rơwang nao čuă hăng mă bruă ƀơi dêh čar Kur, tom brơi (29/8), grŭp khua pơ ala tơring čar Gia Lai yua kơ ơi Hồ Văn Niên – Ding kơna Grŭp mă bruă Ping gah dêh čar ta, Khua git gai Ping gah tơring čar, Khua Khul pơ ala mơnuih ƀôn sang tơring čar ngă Khua grŭp hmâo laih mông mă bruă hăng Grŭp khua mua tơring čar Ratanakiri (Kur) yua Kơ-iăng Khua tơring čar, ơi Ma Vichet ngă Khua grŭp.

VOV4.Jarai – Čơtlăm tom brơi (29/8), ƀơi Anih mă bruă Khua mir sir, Khua mir sir dêh čar ta, ơi Võ Văn Thưởng tŭ jum Khua anih jưh pơ ala kơ hơdôm bôh dêh čar: Ai-len, Italia, Hàn Quốc hăng Litva lăi pơthâo hră mơ-it mơ̆ng lŏn ia čơkă bruă jao ƀơi dêh čar Việt Nam.

VOV4.Jarai-Mơguah lơ 29/8, Khua dêh čar ơi Phạm Minh Chính hăng bơnai ñu, hrŏm hăng Khua dêh čar ơi Lý Hiển Long hăng bơnai ñu nao čuă sang hră gưl prong dêh čar Hà Nội hăng hiăp bit hrŏm ƀing čơđai sang hră ƀrô tal rai čuă sit nik mơng Khua dêh čar Singapore pơ dêh čar Việt Nam.

VOV4.Jarai-Ơi Vương Đình Huệ, Khua git gai pơ ala mơnuih ƀôn sang dêh čar phrâo git gai jơnum kơ bruă prăp lui jơnum tal 9 ƀing pơ ala thun dŏ hlăk ai đơ đam rŏng lŏn tơnah.

VOV4.Jarai - Kơ-iăng khua dêh čar ơi Lê Minh Khái phrâo git gai jơnum hăng hơdôm ding jum anom bruă kơ pơpha prăk pioh pơgang tơlơi truh lŏn tơhlŏm ƀơi hang ia krông, ia rơsĭ.