Bơni hơ-ơč kơ khua anih jưh pơ ala ơi Yamada Takio ngă giong laih bruă mă ƀơi Việt Nam, dưi hơmâo Khua mir sir kĭ hră apah bơni hăng Miđai mă bruă ngă giăng mah, Khua dêh čar lăng yôm hăng bơni kơ tơlơi khăp, pran jua mă bruă hăng tơlơi gir run mơ̆ng Khua anih jưh pơ ala dêh čar Japan amăng bruă pơtrut ngă hrŏm lu mơta bruă Việt Nam hăng Japan.

Dua bơnah hok mơak ƀuh rơwang bruă laih rơgao dŏ mă bruă ƀơi Việt Nam mơ̆ng Khua anih jưh hơmâo ba tơlơi ngă giăng mah Việt Nam-Japan pơđĭ kyar kơtang biă mă, hlom bom hăng tŭ yua amăng lu bruă mă. Tơlơi rô nao rai mơ̆ng dua bơnah jing gru hlâo ba glăi boh tơhnal hiam klă, tơpă ară, hăng lu anŏ gêh găl laih anun ƀuh pơ anăp pok pơhư prong. Khua dêh čar ơi Phạm Minh Chính rơkâo, pơ anăp anai, mah ngă bruă hơgĕt pơpă hai, Khua anih jưh ăt djă bong kjăp tơlơi gơgrong ba, djru hrŏm kơ bruă ngă giăng mah Việt Nam-Japan amăng djop mơta bruă mă.