Amăng mông bơkơtuai, dua gơñu pơsit klă tơlơi pơplih phrâo bruă rô nao rai dua Ping gah, dua bôh dêh čar Việt Nam hăng Khač hơdôm hrơi rơgao, bơkơtuai hơdôm bruă pioh ngă tui tơhnal gal, pran kơtang mơ̆ng dua bơnah, pơtrut hloh dong tơlơi rô nao rai gum hrŏm kơplah wah hơdôm ding jum, gơnong bruă, tơring čar, ƀôn prong dêh čar Việt Nam hăng tơring čar Vân Nam pơ̆ anăp anai. Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơtŏng sit hơdră pơtrun ha sa mơ̆ng Ping gah, Kơnuk kơna Việt Nam kơ bruă ngă dơlăm dong hăng pơđĭ tơhnal rô nao rai giăng mah mơ̆ng hlâo, bơnah gum hrŏm bruă khom ngă abih bang, khul lăi pơthâo kơ pơgi kơdih Việt Nam hăng Khač hmâo bôh tŭ yua bruă mă.

Khua git gai wai lăng pơ ala mơnuih ƀôn sang dêh čar čang rơmang dua bơnah gum hrŏm kơjăp amăng bruă wai lăng, pơgang guai dêh čar tui 3 mơta hră pơ-ar kơ guai dêh čar gah rŏng lŏn hăng hơdôm tơlơi pơkôl bơdjơ̆ nao, gum hrŏm pơsir hơđong hơdôm tơlơi dô̆ glăi hăng bruă phrâo hmâo ƀơi kual guai dêh čar, pơjing jơlan guai dêh čar rơnuk rơnua, hơđong./.