Pơhiăp amăng mông ngă lơphet, pơ ala kơ khua git gai Ping gah, Kơnuk kơna, Khua dêh čar ta ơi Phạm Minh Chính hur har pran jua bơni hơdôm bôh than dưi ngă, bruă mă ba glăi bôh tơhnal prong mơ̆ng hơdôm rơnuk mơnuih apăn bruă tơhan, tơhan polih hơdeč hmar amăng 50 thun rơgao.

Khua dêh čar rơkâo khul Kông ang mơnuih ƀôn sang lăi hrŏm, khul Tơhan polih hơdeč hmar lăi ha jăn amăng hơdôm mông hơpă tơlơi hơget leng kơ lăi pơthâo dơlăm, pơhlôm tơlơi git gai khut khăt, ƀơi anăp gah djop mơta mơ̆ng Ping gah mơ̆ pô apăn akô̆ lĕ Khua git gai Ping gah dêh čar ta ơi Nguyễn Phú Trọng, tơlơi git gai mơ̆ng Khua mir sir dêh car, tơlơi pơlir hơbit wai lăng kơnuk kơna mơ̆ng Gong gai, Khua dêh čar; tơlơi git gai, wai lăng ƀơi anăp mơ̆ng Khua Ding jum Kông ang. Khom sit nik lăng yôm bruă pơdŏng Ping gah; pơđĭ tui bôh thâo git gai, tơlơi gơgrong bŏng glăi mơ̆ng khul ping gah, mơnuih ping gah; pơsit pran pơdŏng khul Tơhan polih hơdeč hmar sit nik klă hiam, kơjăp kơtang, djơ̆ phiăn pơkă, hơdeč hmar, anăp nao gah anăp./.