Git gai mông mă bruă hơmâo Trung tướng Nguyễn Hải Hưng, Kơ-iăng khua jơnum min pơgang rơnuk rơnua mơng Ƀirô Khua pơ ala mơnuih ƀôn sang dêh čar hăng ơi Dương Tấn Hiển, Kơ-iăng Jơnum min mơnuih ƀôn sang ƀôn prong Cần Thơ. Đĭ pơhiăp amăng mông mă bruă Trung tướng Nguyễn Hải Hưng brơi thâo, akŏ phun mông mă bruă anai lĕ bruă pơhlôm hơđong amăng jơlan glông samơ̆ hăng tơlơi phara mơng ƀôn prong Cần Thơ lĕ anih phun amăng kual lŏn dăo ia krông Cửu Long, anih hơmâo lu ia krông čroh hnoh hăng lu song nan găn nao rai amăng hrơi blan rơgao hăng ră anai glăk lu tui, pơđĭ kyar hăng ăt dŏ lu tơlơi hŭi rơhyưt bơdjơ̆ nao hơdôm boh ƀattô đuăi nao rai.

Yua anun, grup krăo lăng čang rơmang Cần Thơ kiăng lăi nao rơđah anŏ aka ƀu klă, anŏ ngă gun amăng ngă tui hơdră bruă, tơlơi phiăn, mơng anun grup amra pơƀut glăi tơlơi pơgôp, rơkâo đĭ kiăng hơmâo tơlơi pơplih amăng bruă pơhlôm rơnuk rơnua rôk jơlan glông, amăng ia krông.