Bưp khua grup bơwih ƀong SUNWAH Janathan Choi, Khua git gai pơ ala mơnuih ƀôn sang dêh čar hok mơ-ak lơm grup bơwih ƀong tŏ tui pơđĭ kyar ƀơi Việt Nam, sit biă biă ñu lĕ hơdôm sang tuh tia pơkra ming ƀơi Lào Cai. Khua pơ ala mơnuih ƀôn sang čang rơmang grup bơwih ƀong đing nao pơtrut ngă hrŏm kơplah wah hơdôm boh tơring čar giăm guai dêh čar Việt Nam hăng hơdôm boh tơring čar ƀơi dêh čar Khač; kơsem min pơlir hơbit ngă hrŏm 3 bơnah amăng pơplih yua boh thâo măi mok phrâo, hrưn đĭ klă dong amăng pơlir hơbit pơkra gơnam yôm.

Amăng mông bưp grup tuh pơ alin apui lơtrik Vân Nam (YEIG), Khua git gai pơ ala mơnuih ƀôn sang dêh čar lăng yôm bruă mă mơng grup bơwih ƀong amăng pơhlôm brơi apui yua brơi tơring čar Vân Nam, amăng anun hơmâo apui lơtrik hơdjă. Hluai tui akŏ bruă pơkra apui lơtrik III mơng Việt Nam, grup dưi kơsem min mut hrŏm hăng tơlơi gơgrong ngă hrŏm amăng pơjing amăng jang rơgơi, pơtrut ngă gêh gal brơi gơnam dưi ba sĭ mơdrô; čang rơmang anom bơwih ƀong sĭ mơdrô dua bơnah kơtưn tuh pơ alin ƀơi dua bơnah wŏt sĭ mơdrô, tuh pơ alin hăng pơkra pơjing.