Ƀơi mông jơnum, dua bơnah lăi pơtong, tơlơi ngă hrŏm yôm pơphăn hơmâo kơtưn tui ngă kjăp plah wah Việt Nam-Thăi Lan, kiăng jai hrơi pơđĭ kyar dơlăm hăng tŭ yua, tui atur pơpŭ nao rai, đăo kơnang tơdruă hơmâo boh tŭ yua soh. Dua bơnah ăt tŭ ư kiăng kơtưn jĕ giăm rô nao rai amăng mơnuih ƀôn sang, boh nik ñu pơtrut lu gưl čơđai muai, kơnang kơ bruă pơphun ngă hrŏm gru grua hiam, pơrơguăt drơi jăn, tuai čuă ngui, pơtô hrăm; pơtrut bruă pơtô tơlơi Thăi ƀơi Việt Nam hăng pơtô tơlơi Việt Nam ƀơi dêh čar Thăi Lan.

Hrŏm hăng anun, dua bơnah ăt lăi nao bruă yôm či ngă hrŏm djă pioh hăng pơđĭ tui rơnoh yôm gru grua, phun đưm Việt Nam ƀơi Thăi Lan; pơtrut pơsur lu bruă mă yua ană plơi pla kiăng hơđong bruă mơ̆ng Thăi Lan ƀơi Việt Nam. Ƀơi mông jơnum anai, dua bơnah hơmâo pơčrong sai bruă prăp lui tal rai čuă Việt Nam mơ̆ng Khua dêh čar Thăi Lan laih anun git gai hrŏm kơnuk kơna dua bơnah ngă hrŏm tal 4. Khua ding jum ơi Bùi Thanh Sơn lăi pơtong, Khua dêh čar ơi Phạm Minh Chính čang rơmang biă mă tŭ jum Khua dêh čar Thăi Lan pơ anăp anai.