Jơnum bơkơtuai ăt hơmâo tơlơi mut hrŏm mơng giăm 500 čô khua mua, ƀing khua apăn akŏ hơđăp amăng Ping gah, Kơnuk kơna, djop ding jum, gơnong bruă gah gơnong glông; ƀing khua tơhan, ling tơhan, khua apăn akŏ hơdôm boh tơring čar, ƀôn prong; hơdôm boh sang hră, anom bruă kơsem min, ƀing rơgơi kơhnâo, ƀing tha rơman găn rơgao rơnuk blah wang ƀơi Điện Biên Phủ đưm hlâo adih.

Đĭ pơhiăp amăng mông pơphun jơnum, Đại tướng Lương Cường, Ding kơna Ding jum kơđi čar, Ding kơna Khul apăn bruă Ping gah ling tơhan, Khua anom bruă kơđi čar Ling tơhan Việt Nam lăi pơtong: Jơnum bơkơtuai boh thâo anai lĕ sa amăng hơdôm bruă mă sit nik pioh hơdor glăi 70 thun blah dưi Điện Biên Phủ (1954-2024); anai lĕ hrơi mông Ping gah, abih bang mơnuih ƀôn sang, khul ling tơhan hơdor glăi gru grua blah dưi hing ang sông kơtang mơng djop rơnuk ơi yă, hơdor ƀing mơnuih ƀôn sang, ling tơhan tuh rơyuh pran jua djai pơsăn drơi jăn amăng rơnuk blah wang pơklaih rơngai lŏn ia.