VOV4.Jarai - Khua git gai Ping gah dêh čar ơi Nguyễn Phú Trọng, Khua khul git gai jơnum tal 24 Khul git gai gơnong glông kơ bruă pơgăn ƀong kông ngăn, bruă ngă soh.

VOV4.Jarai – Čơtlăm lơ 16/8, Khua dêh čar ta, ơi Phạm Minh Chính tŭ jum ơi Nir Barkat, Khua Ding jum bơwih ƀong hăng măi mok dêh čar Israel.

VOV4.Jarai – Mơguah kơ 16/8, ƀơi anih mă bruă Khua mir sir, Khua mir sir dêh čar ta, ơi Võ Văn Thưởng bưp ƀô̆ mơta Grŭp khua pơ ala kơ mơnuih wai lăng, mă bruă khul đăo, mơnuih djuai ania ƀiă, mơnuih thâo hră, mơnuih mơbruă ƀôn prong Hồ Chí Minh ƀrô djơ̆ tal Grŭp nao pơ̆ Hà Nội amăng jơlan hơdră "Bruă tô nao rai".

VOV4.Jarai-Anăp nao ngă lơphet 78 thun Hrơi hơkrŭ lŏn ia blan Čơpăn truh kih hăng 18 thun Hrơi abih bang pơgang rơnuk rơnua Lŏn ia (lơ 19/8). Hrơi blan rơgao, hơdôm boh tơring čar kual Dap Kơdư hơmâo pơphun “Hrơi Jơnum prong abih bang mơnuih pơgang rơnuk rơnua lŏn ia thun 2023”. Mơ̆ng anun, râu mơdưh tơlơi pơmin gơgrong bruă mơ̆ng rim čô mơnuih gum akŏ pơdong hăng pơgang tơlơi hơdip rơnuk rơnua.

VOV4.Jarai-Lơ 15/8, ƀơi plơi prong Ƀuôn Ma Thuôt, grup hyu mă bruă mơ̆ng Khul tuai čuă ngui hăng khua mua ƀôn prong Goyang tơring čar Gyeonggi, dêh čar Hàn Quốc nao čuă hăng mă bruă ƀơi tơring čar Dak Lak.

VOV4.Jarai-Tlam lơ 15/8, ƀơi Hà Nội, Sang hră hrăm bruă kơđi čar djă anăn Hồ Chí Minh ngă hrŏm Anom pơphun bruă ping gah dêh čar jơnum pơđut anih pơtô, pơthâo tơlơi pơhing kơ Kơ-iăng khua git gai ping gah, khua jơnum min, jơnum min mơnuih ƀôn sang tơring čar, ƀôn prong anih tal 2.

VOV4.Jarai-Tlam mơmŏt lơ 15/8, ƀơi anom bruă kơnuk kơna, Khua dêh čar ơi Phạm Minh Chính bưp ƀô̆ mơta ƀing đah kơmơi đă boh lông Việt Nam tơdơi kơ grup anai glăi mơ̆ng tal pơplông rơnuč amăng kual World Cup thun 2023.

VOV4.Jarai-Mơguah lơ 15/8, Khua dêh čar ơi Phạm Minh Chính nao ĕp lăng bruă mă ming pơkra glăi pơsat jep Khua mir sir Hồ Chí Minh laih anun pơtong glăi boh tơhnal ngă bruă 6 blan akŏ thun 2023 mơ̆ng Khul wai lăng pơsat jep Khua mir sir Hồ Chí Minh.

VOV4.Jarai - Tom brơi (lơ 14/8), Kơ-iăng khua dêh čar, ơi Trần Lưu Quang hơmâo pơhmư̆ mông Jơnum abih bang mơnuih ƀôn sang pơgang rơnuk rơnua Lŏn ia ƀơi phường An Lạc, plơi prong Buôn Hồ, tơring čar Dak Lăk laih anun hơmâo tơlơi git gai kơ bruă pơhlôm rơnuk rơnua hơđong kơjăp ƀơi tơring čar anai.

VOV4.Jarai - Hrơi anai, lơ 15/8, Jơnum min apăn bruă pơ ala mơnuih ƀôn sang pioh ha hrơi tơña hăng lăi glăi tơlơi tơña kơ 2 mơta bruă yua Ding jum tơlơi phiăn, Ding jum bruă hmua hăng pơđi kyar ƀôn lan gơgrong ngă.