3 blan tal 1 thun 2024 prăk pơhrui glăi kơ Kơnuk kwna mơ̆ng Kon Tum kơnong hơmâo 830 klai prăk, jing 18% mrô pơkă mơ̆ng tơring čar jao, aka ƀu djơ̆ tơlơi pơkă ôh. Amăng 3 blan akŏ thun, tơring čar Kon Tum pơhưč hơmâo 2 kơčăo bruă tuh pơ alin hăng mrô prăk 56 klai.

Jơnum ping gah tơring čar Kon Tum pơƀut bơkơtuai, pơtŏng glăi boh than hơmâo ngă, tơlơi aka ƀu dưi ngă, aka ƀu djơ̆ amăng bruă bơwih ƀong huă - mơnuih mơnam, ling tơhan, rơnuk rơnua, akŏ pơdong Ping gah, anom bruă kơđi čar 3 blan tal 1. Pơblang rơđah, pơtŏng glăi phun tơhnal; pơsit tơlơi gơgrong bruă mơ̆ng rim ding kơna Ping gah, pô ngă khua hăng khul grup, anom bruă hăng hơdôm bruă aka ƀu djơ̆, laih dong ba tơbiă bruă mă phun, hơdră pơsir tŭ yua.