Grŭp mơnuih hyu mă bruă hrŏm hăng khua pơ ala Khua tơring čar Điện Biên hmâo nao dưm guang bơnga, tuĭ ñang ƀơi Pra Yang hơdor kơ ling tơhan pơsăn drơi Điện Biên Phủ hăng Pơsat Ling tơhan pơsăn drơi A1. Ƀơi anăp bơngăt jua ling tơhan sông kơtang, pơsăn drơi, ơi Nguyễn Hòa Bình hăng ƀing ding kơna amăng Grŭp hmâo pioh laih sa mơnit hơdor glăi, pơdah pran jua hơdor tơngiă dơlăm pioh kơ pran jua tuh rơyuh prong prin mơ̆ng ƀing sông kơtang, tơhan pơsăn drơi - hơdôm mơnuih mơbruă mơ̆ng djuai ania hmâo khin hơtai kơdŏng blah ayăt, pơsăn drơi pô yua kơ bruă tlaih rơngai djuai ania, pơgang lŏn ia.

Hrŏm hăng anun ƀuan ngă tui dong phiăn juăt Điện Biên Phủ sông kơtang, gum hrŏm hơbit, gir run gum hrŏm abih bang Ping gah, abih bang ling tơhan hăng abih bang mơnuih ƀôn sang ngă tui truh kih bruă pơdŏng lŏn ia jai hrơi jai pơđĭ kyar pơdrŏng asah kơtang. Mơguah hrơi anun mơ̆n, ơi Nguyễn Hòa Bình hăng Grŭp mơnuih hyu mă bruă hmâo nao pơhmư̆ mông ngă Lơphet mă yua anom bruă Sang phăt kơđi mơnuih ƀôn sang tơring čar Điện Biên - Ring bruă hmâo prăk mă yua 113 klai prăk./.