Anai lĕ jơnum lok blung a mơ̆ng Khul git gai kiăng pơčrong sai kơ boh tơhnal dưi ngă hăng hơdră wai lăng mă yua rơnoh prăk čan ODA pơ anăp anai. Kơ-iăng Khua dêh čar ơi Trần Lưu Quang bơni kơ hơdôm anom bruă djru prăk, bơnah ngă hrŏm hơmâo djru ba Việt Nam thun blan rơgao. Khă hnun, rơnoh prăk čan mơ̆ng ODA brơi kơ Việt Nam dŏ ƀiă đơi pơkă hăng lu dêh čar ieo gah, kơnong dưm dưm hăng ¼ kơ dêh čar Kur, 1/11 kơ dêh čar Philippines hăng 1/12 kơ dêh čar Indonesia.

Kơ-iăng khua dêh čar ăt brơi thâo, bruă brơi čan prăk mơ̆ng ODAdŏ kaih, hăng 50% mrô prăk brơi čan mơ̆ng thun 2021-2025. Pơ anăp anai, Kơ-iăng khua dêh čar ơi Trần Lưu Quang čang rơmang hơdôm sang bruă djru prăk hơmâo hơdră kah pơpha, hơdră brơi čan hmar hloh, amuñ tui; hơmâo tơlơi đing nao hlâo, djru hơdôm mơta tơlơi gêh găl phara kơ Việt Nam.