Đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Vương Đình Huệ lăng thun 2023 ƀing khua mua hơmâo gơgrong amăng bruă čih pơkra tơlơi phiăn, krăo lăng klă hăng hơmâo hơdră pơsir hmao tlôn, ngă tui pran gơgrong amăng bruă bruă čih pơkra tơlơi phiăn, tơlơi pơtrun hơdôm bruă akŏ phun amăng lŏn ia hăng krăo lăng, bưp mơnuih ƀôn sang, mă bruă hăng mơnuih ƀôn sang, kiăo tui lăng, pơtrut pơsur bruă pơsir hĭ hơdôm tơlơi ƀom kiơng mơng mơnuih ƀôn sang.

Pơ anăp anai, Khua git gai pơ ala mơnuih ƀôn sang dêh čar ơi Vương Đình Huệ rơkâo, ƀing khua mua ngă tui boh than dưi ngă, tŏ tui pok prong, ngă lu bruă dong, hrưn đĭ dong bruă mă mơng Khua pơ ala mơnuih ƀôn sang dêh čar. Sit biă ñu, tŏ tui hră kjăp tơlơi glăm ba mơng ƀing khua mua amăng khul grup hăng bruă mă amăng Ƀirô Khua pơ ala mơnuih ƀôn sang dêh čar Việt Nam lăi hrŏm. Khua git gai pơ ala mơnuih ƀôn sang dêh čar pơtă pơtăn, ƀing khua mua kiăng gum hrŏm amăng Khul djuai ania hăng hơdôm Jơnum min mơng Ƀirô Khua pơ ala mơnuih ƀôn sang dêh čar krăo lăng ƀơi ƀon lan; kiăo tui lăng, pơtrut pơsur bruă pơsir bruă ƀom kiơng, tơlơi rơkâo đĭ mơng mơnuih ƀôn sang.