Tui hăng Khua dêh čar, ră anai, đơ đam dêh čar hmâo 34 rơwang bruă prong, 86 rơwang bruă yôm phăn lŏn ia, yôm phun Bruă jơlan nao rai dŭ pơgiăng ƀơi 46 bôh tơring čar, ƀôn prong. Amăng anun hmâo 5 rơwang bruă jơlan rơdêh treng, 2 rơwang bruă gah rơdêh por, dô̆ glăi lĕ hơdôm rơwang bruă jơlan nao rai ƀơi rŏng lŏn, biă ñu jơlan đuăi hmar hăng hơdôm jơlan wer kual plơi prong jưh jom Hà Nội, jơlan wer ƀôn prong Hồ Chí Minh.

Tơdơi kơ 9 mông jơnum, Grŭp črâo ba hmâo dong tơlơi găn rơgao, hơdôm ring bruă, rơwang bruă dưi pok pơhai klă hloh, Khua dêh čar hmâo črâo rơđah 6 mơta tơlơi kiăng hloh pioh ngă tui pơ̆ anăp anai, anun lĕ: pran jua gơgrong mơ̆ng hơdôm ding jum, hơdôm gơnong bruă, hơdôm bôh tơring čar, ƀôn prong lĕ khom dlông hloh, ba glăi bôh tơhnal hloh; rơnoh hmao tlôn hloh; anô̆ klă hơdôm rơwang bruă ring bruă khom klă hloh; tŏng teng hloh hơdră phrâo măi mok dlông hloh djơ̆ hloh hăng tơlơi ră anai. Tal 5 lĕ hơdôm bôh tơring čar, ƀôn prong khom pơsir tơlơi bơdjơ̆ nao pơsir anih anom pioh man pơkra; pơsir anih anom dô̆, hơđong kơ mơnuih ƀôn sang./.