Thun anai, Dak Lak hơmâo rơbêh 31.000 čô čơđai sang hră amra nao pơplông abih gưl II. Him lăng tơdơi kơ hrăm giong hơmâo giăm 23.000 čô čơđai amra mut hrăm sang hră gưl III pơdong mă, 4.000 čô čơđai mơng sang hră pơtô hrăm rese, mrô dŏ glăi amra hrăm ƀơi hơdôm boh sang hră pơdong mă ƀudah sang hră pơtô bruă tui akŏ bruă “Pơtô hrăm črâo brơi bruă mă hăng anăp nao pơčlah ƀing čơđai hrăm gưl III amăng tơring čar Dak Lak rơwang thun 2018-2025”.

Gơnong bruă pơtô pơjuăt, tơring čar Dak Lak hơmâo pơphô bruă Jơnum min mơnuih ƀôn sang tơring čar pơphun ĕp pơmut amăng anih 10 hăng hơdră pơplông hrŏm hăng ĕp lăng puang hrăm hlâo anun kiăng kơ ruah ƀing mơnuih thâo rơgơi hăng hơmâo jơlan gah črâo brơi bruă mă lăp djơ̆ kiăng hrăm tui jơlan hơdră pơtô hrăm thun 2018.