Lăi pơthâo glăi ƀơi mông mă bruă, ơi Lê Thành Đô, Khua Jơnum min mơnuih ƀôn sang tơring čar Điện Biên brơi thâo, tơring čar glăk pơƀut ngă 18 kơčăo bruă pơhrup hiam plơi prong bơwih brơi hrơi ngă lơphet 70 thun blah dưi ƀơi Điện Biên Phủ. Truh mông anai, hơmâo 5 kơčăo bruă glăk pơphun ngă, him lăng amra ngă giong hlâo kơ lơ 10/4/2024; Kơnong Sang jưh tuai tơring čar hơmâo pơkra giong mơ̆ng 80% laih, him lăng amra ngă giong amăng krah blan 4 đah mơ̆ng dưi čơkă, bơwih brơi ƀing khua hăng ƀing tuai amăng hrơi ngă lơphet 70 thun blah dưi ƀơi Điện Biên Phủ.

Pơhiăp ƀơi mông ngă bruă, rơngiao kơ bơni tơlơi gir run mơ̆ng tơring čar Điện Biên amăng bruă prăp rơmet bơwih brơi hrơi ngă lơphet, yă Trương Thị Mai ăt kiăng hơdôm anom pơphô bruă khŏm čih pơkra prăp lui hlâo hơdră ngă bruă hrŏm amăng Hrơi ngă lơphet rơđah rơđông, tong ten.