VOV.Jarai-Jơnum min mơnuih ƀôn sang tơring čar Dak Lak phrâo jơnum jŭ yap glăi hnơ̆ng ngă bruă pok pơhai ngă tui kơsem min boh thâo ia rơgơi, pơblih pơčeh phrâo hăng ba yua ia rơgơi mrô amăng tơring čar, pơtum nao pơsir hĭ tơlơi tơnap tap pioh pơhlom ngă djơ̆ tơhnal pơkă.

VOV.Jarai-Mơguah lơ 7/5, Sang hră gưl prong Đại học Tây Nguyên ngă hrŏm khul wai lăng tơdrun kompan-ia rơsĭ tơring čar Dak Lak, pơphun jơnum ĕp bruă mă, lăi pơthâo hơmâo hơdôm rơbâo anih kiăng iâu mơnuih mă bruă brơi kơ čơđai sang hră gưl prong amăng kual Tong krah hăng Dap Kơdư, biă mă ñu gah bruă logistics.

VOV.Jarai-Ƀơi anăp kơ bruă lu sang hră kơnuk kơna čem rông ba pơlir djop gưl ƀơi kual giăm guai man pơdong kaih, Jơnum min mơnuih ƀôn sang tơring čar Gia Lai hơmâo hơdră pơkiăo nao ling tơhan djru man pơdong kiăng kơ tañ ƀiă.

VOV.Jarai-Mơguah lơ 6/5, Khul apăn bruă Ping gah tơring čar Dak Lak jơnum pơgôp hiăp kơ bruă ngă tui hơnong pơkă pơđĭ kyar bơwih ƀong huă dua mrô rơwang thun 2026-2030, đing nao pơgiong jơlan hơdră pơđĭ kyar, pơsir hĭ anŏ gun tuh pơ alin man pơdong, ngă hră pơ-ar hăng pơhrui glăi lŏn mơnai.

VOV.Jarai-Lơ 6/5, ƀơi plơi prong jưh jom New Delhi, tơdơi kơ mông čơkă gưl kơnuk kơna hơmâo pơphun yôm phăn gưl prong hloh brơi sa čô khua apăn akŏ dêh čar, Khua git gai Ping gah, Khua mir sir ơi Tô Lâm jơnum bơkơtuai hăng Khua dêh čar India ơi Narendra Modi.

VOV.Jarai-Amăng tal nao čuă jơmư gưl kơnuk kơna dêh čar India mơ̆ng Khua git gai ping gah, khua mir sir ơi Tô Lâm, ơi Nguyễn Duy Ngọc, ding kơna ding jum kơđi čar, ding kơna khul git gai ping gah dêh čar, Khua anom pơphun bruă ping gah dêh čar hơmâo nao čuă hăng mă bruă tom khua mua anom bruă wai lăng pơsit anăn akŏ mơnuih dêh čar India sang bruă Aadhaar.

VOV.Jarai-Lơ 6/5, phương Ea Kao, tơring čar Dak Lak pơphun bruă pơsur “Bruă plơi prong, bruă plơi pla, lŏn nua yôm ăt pơyơr” hăng bruă “Pơkrem tơmut mơnek mah”, kiăng kơ ba glăi tơlơi mut hrŏm amăng mơnuih ƀôn sang, pơsir hĭ hơdôm tơlơi gun amăng pơhrui glăi lŏn mơnai, iâu pơgôp ngăn rơnoh pơđĭ kyar anih anom.

VOV.Jarai-Ƀơi Ƀirô Kơnuk kơna, kơ-iăng Khua dêh čar ơi Hồ Quốc Dũng git gai jơnum hăng djop Ding jum, gơnong bruă, gong gai ƀon lan kơ bruă ngă tui tơlơi črâo trun mrô 05 mơng Khua dêh čar amăng bruă ječ ameč đing nao ngăn rơnoh pơtrut tañ bruă akă lŏn, pơjing hră lơkak lŏn mơnai; čih anăn yua lŏn mơnai, ngă hră pơ-ar lŏn mơnai hăng pơjing anih djă pioh hră pơ-ar dêh čar kơ lŏn mơnai.

VOV.Jarai - Đại tướng Nguyễn Trọng Nghĩa, Ding kơna Ding jum kơđi čar, Khua anom bruă phun kơđi čar khul tơhan Việt Nam lăi dlăm, bruă brơi rup trah Wa Hồ jing yom biă mă amăng kơđi čar, tơlơi pơmin, laih anun hơdor tơngia kơtang biă, bơhơdor brơi ƀing khua, mơnuih ping gah gir kơtir na nao, ƀu pơdơi pơdă hrăm hăng hla tui Wa Hồ.

VOV.Jarai - Khua ping gah tơring čar Dak Lăk ơi Lương Nguyễn Minh Triết phrâo nao lăng lu ring bruă, kơčăo bruă ngă kaih ƀơi phường Bình Kiến, mơ̆ng anun kiăng lăng glăi, pơklaih brơi hlao hơdôm tơlơi dŏ kơđông, đah mơ̆ng huăi rơngiă prăk kăk, rơngiă hrơi mông, laih anun bơbeč sat kơ bruă đĭ kyar.