Bruă ngă pơtum tal anai kiăng pơtrut bơkơtưn mă bruă, iâu pơtum lu mơnuih djop gưl ngă hrŏm, djop anom bruă, plơi pla, pơsir hĭ anŏ kơđông hĭ čuk pơdăo jao glăi man pơdong, kiăng pơtrut hmar ƀiă hơdôm kơčăo bruă phun amăng tơring čar.

Bruă ngă anai, pơtum nao 40 mơta bruă phun, jŭ yap glăi, čih pioh abih bang ring bruă, akŏ bruă pok pơhai laih; ngă pơgiong abih hră pơar duh glăi lŏn sang đang hmua kơ mơnuih ƀôn sang djop anŏ gêh găl; yap mơ̆ng 90-95% đơ đam lŏn čuk pơdăo tui akŏ bruă jao kơ rim kơčăo bruă; brơi ba yua abih 100% rơnoh prăk duh glăi, djru ba, pơdong plơi phrâo hăng pơsir abih kơđi tơlơi mơnuih ƀôn sang rơkâo, tui tơlơi dưi pơsir. Bruă ngă dưi pok pơhai amăng 45 hrơi hăng 3 črăn, hơmâo jŭ yap glăi, pơsir hĭ anŏ dŏ kơđông; pơtum jŭ yap abih, pơsit bruă či ngă, tla prăk duh glăi hăng jao glăi lŏn laih duh giong, ngă pơgiong abih tơhnal pơkă dŏ glăi, pơsir anŏ gun, pơƀut bruă mă, pơtong rơđah boh tơhnal dưi ngă.