VOV4.Jarai-Mơguah lơ 17/7, Khua ding jum Jơlan glông-Pơdŭ pơgiăng ơi Nguyễn Văn Thắng nao ĕp lăng bruă čuk pơkra jơlan rơdêh đuăi hmar amăng tơring čar Quảng Bình hăng Quảng Trị.

VOV4.Jarai – Gơnong bruă đang kyâo tơring čar Dak Lak glăk đing nao pơtrut tañ rơnoh pla kyâo amăng bơyan hơjan hăng tơhnal pơkă pla phrâo 1.800 ektar đang kyâo.

VOV4.Jarai-Năm blan akŏ thun anai, tơlơi bơwih ƀong huă ƀơi ƀôn prong Đà Nẵng dưi đĭ tui 5%, prăk pơhrui mă jia djop 70% akŏ bruă jao sa thun, đĭ hloh 31% pơkă hăng tal anai thun hlâo.

VOV4.Jarai-Tlam lơ 16/7, ƀơi Ƀirô mă bruă, pơphun mông ngă lơphet pơƀuh hơdrôm hră “Khua pơ ala mơnuih ƀôn sang dêh čar amăng rơnuk pơplih phrâo lăp djơ̆ hăng bruă pơjing, pơgiong Kơnuk kơna tui phiah phiăn xã hội chủ nghĩa Việt Nam” mơng Khua git gai Ping gah dêh čar ơi Nguyễn Phú Trọng.

VOV4.Jarai – Lơ 16/7, Jơnum min mơnuih ƀôn sang tơring čar Lâm Đồng hmâo kông điêng ječ črâo ba hơdôm bôh ƀirô, anom bruă, hơdôm bôh tơring glông, plơi prong amăng tơring čar tañ pok pơhai hơdôm bruă bŏng glăi hăng ayuh hyiăng rơ-ŏt hăng hơjan prong. Khom ba đuăi mơnuih ƀôn sang mơ̆ng kual huĭ rơhyưt amra lŏn tơhroh, ia ling kor.

VOV4.Jarai – Lơ 16/7, pơhiăp črâo ba amăng mông jơnum pơtrut tuh pơplai bruă hrŏm, Khua dêh čar rơkâo ƀing Khua Ding jum, Khua Gơnong bruă, Khua Jơnum min mơnuih ƀôn sang gưl tơring čar đing nao ngă tui tơpă hơdôm tơlơi pơtrun pơsit Gong gai dêh čar, tơlơi črâo ba, kông điêng mơ̆ng Khua dêh čar hăng hơdôm hră pơ-ar črâo ba mơ̆ng Khua dêh čar kơ pơtrut pơpha, pơsir ngăn rơnoh tuh pơplai bruă hrŏm thun 2024.

VOV4.Jarai – Mơguah tom brơi (16/7), ƀơi Hà Nội, Khua dêh čar ta ơi Phạm Minh Chính git gai mông Jơnum pơtrut tuh pơplai bruă hrŏm thun 2024.

VOV4.Jarai-Lơ 15/7, Kơ-iăng Khua mir sir yă Võ Thị Ánh Xuân hrŏm hăng grup pơ ala mơnuih ƀôn sang dêh čar ƀơi tơring čar An Giang nao bưp mơnuih ƀôn sang ruah khua ƀơi plơi prong giăm guai dêh čar Tịnh Biên, tơring čar An Giang tơdơi kơ jơnum lok 7, khua mua pơ ala tal XV.

VOV4.Jarai-Ƀrô hơdor glăi tal 74 thun Hrơi gru grua Hlăk ai kơsung nao hlâo Việt Nam, lơ 15/7/1950-lơ 15/7/2024, tlam lơ 15/7, ƀơi anom Khua mir sir, ơi Tô Lâm Khua mir sir hơmâo bưp bơ ră ruai mơak hăng ƀing pơ ala Grup khua mua hơđăp hlăk ai kơsung nao hlâo Việt Nam, ƀrô nao jơnum khua mua pơ ala ƀơi dêh čar Khul hlăk ai hơđăp kơsung nao hlâo Việt Nam.

VOV4.Jarai-Lơ 15/7, lơm hơjan prong ƀơi lu anih, tơring čar Lâm Đồng pơhŭi hlâo amra ƀuh lŏn tơhroh, sit biă ñu ƀơi hơdôm kual kơčong čư̆, kual lŏn amuñ amra ngă lŏn tơhlŏm.